Impanuka yabaye ku gicamunsi cyo kuwa Gatandatu tariki 27 Gicurasi 2017 imodoka ya bisi ya kampani itwara abagenzi Kigali Safari yarenze umuhanda ikabirinduka ku musozi ikagwa mu mugezi wa Yanze nyuma yo kugongana n’ikamyo yahitanye abagera kuri 15 nk’uko byatangajwe na Polisi.
Umugore wa Regis Kamugisha, Itangishaka Candide Seraphine n’abana babo bose uko ari babiri bakaba bari muri bamwe mu baguye muri iyi mpanuka.
Uyu mugabo nu murokore asengera muri ADPR muri ya mpanuka yi shyorongi
Yapfushije uwo mugore mureba n’abo bana 2 Urugo rwe rurarangiye. Mumusengere
Nyakwigendera Mme Itangishaka Candide Seraphine yari yarashakanye na Kamugisha muri 2006. Bari bafitanye abana babiri nabo bitabye Imana mu mpanuka: Teta Kamugisha Ornella wavutse muri 2007 na Olga Gwiza Kamugisha wavutse muri 2009.
Umwe mu bakozi bakorana na Regis Kamugisha yatangaje ko umugore we ndetse n’abana baguye mu mpanuka bari bagiye i Muhanga gusura abavandimwe.
Biteganyijwe ko gushyingura ba nyakwigendera biba kuri uyu wa mbere mu irimbi ryo mu Busanza (Kigali) saa saba z’amanywa.
Nyakwigendera Itangishaka Candide Seraphine n’abana be:Teta Kamugisha Ornella(umukuru) na Olga Gwiza Kamugisha (umuto) bose baguye mu mpanuka ya Shyorongi
Imana ihe iruhuko ridashira abitabye Imana kandi ikomeze abasigaye.
