Ikipe y’iguhugu y’u Rwanda y’Abagore mu mukino wa Sitting Volleyball yisanze mu itsinda rya kabiri (B) mu mikino Paralempike ya 2024 izabera i Paris mu Bufaransa.
Iyi kipe y’u Rwanda y’Abagore muri Sitting Volleyball yisanze mu Itsinda rimwe na na Brésil, Canada na Slovenie mu Mikino Paralempike izabera i Paris uyu mwaka.
Iyi mikino Paralempike yo muri uyu mwaka wa 2024 iteganyijwe gukinwa guhera tariki ya 28 Kanama kugeza ku ya 9 Nzeri 2024.
Gukina imikino Paralempiki k’U Rwanda byagezweho nyuma yo kwitwara neza ikegukana Shampiyona Nyafurika yabereye muri Nigeria muri Gashyantare uyu mwaka.
Muri iyi mikino, uretse itsinda rya B ririmo u Rwanda, tombola yasize itsinda A ryo rigizwe n’u Bufaransa, Leta Zunze Ubumwe za Amerika, u Bushinwa n’u Butaliyani.
Ikipe y’u Rwanda igiye gukina iyi mikino ya Parelimpiki izabera mu gihugu cy’u Bufaransa mu mujyi wa Paris ku nshuro ya gatatu yikurikiranya.
