• Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
  • Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • APR FC yatangaje umunya-Maroc Taleb Abderrahim nk’umutoza wayo mu gihe cy’Imyaka 2 iri imbere ishobora kongerwa   |   17 Jun 2025

  • FDLR iracyari ihurizo rikomeye ku mutekano w’u Rwanda   |   17 Jun 2025

  • Munezero Valentine afatanyije na Mukandayisenga Benitha begukanye irushanwa rya Beach Volleyball   |   16 Jun 2025

  • APR BBC yabaye ikipe ya mbere mu Rwanda igeze ku mwanya wa Gatatu mu irushanwa rya Basketball Africa League (BAL)   |   13 Jun 2025

  • Ububirigi, ibere ritindi ryonsa imitwe yo guhungabanya umutekano w’u Rwanda     |   12 Jun 2025

  • Burundi: Ntagitunguranye CNDD-FDD yihaye imyanya yose mu matora atarimo abo bari bahanganye   |   12 Jun 2025

 
You are at :Home»INKURU NYAMUKURU»Ubwoba bw’ibihano kuri Kayumba na RNC nyuma ya raporo y’impuguke za Loni

Ubwoba bw’ibihano kuri Kayumba na RNC nyuma ya raporo y’impuguke za Loni

Editorial 06 Jan 2019 INKURU NYAMUKURU, INKURU ZAKUNZWE CYANE, ITOHOZA

Iminsi mikuru isoza umwaka wa 2018 ntabwo yabereye myiza Kayumba Nyamwasa n’abambari be muri RNC kubera raporo y’impuguke za loni yabashyize hanze ku bikorwa byabo byo gushaka guhungabanya umutekano w’u Rwanda ndetse n’uw’akarere.

Kayumba Nyamwasa uyobora RNC raporo yagaragaje ko afite umutwe w’iterabwoba wiyise ‘P5’ ufite abarwanyi muri Kivu y’amajyepfo , ugizwe na Amahoro People’s Congress (AMAHORO-PC), the Forces Démocratiques Unifées-Inkingi (FDU INKINGI), the People’s Defence Pact-Imanzi (PDP-IMANZI), Parti Socialiste (PS IMBERAKURI) hamwe Rwanda National Congress (RNC).

Nubwo u Rwanda rwagiye rugaragaza imigambi y’iyi mitwe, raporo y’impuguke za Loni nayo yatanze amakuru mu buryo buhagije ndetse butomoye ku bantu bayoboye iyo mitwe, inzira bakoresha n’inkunga bahabwa n’ibihugu bimwe.

Soma inkuru bifitanye isano:

Kayumba Nyamwasa Ucumbikiwe Nk’impunzi Muri Afurika Y’epfo Akomeje Ingendo Nyinshi Muri Congo Aho Inyeshyamba Afasha Zitoreza

Ibi biri mu byatumye Kayumba Nyamwasa ashya ubwoba atangira gushakisha ukuntu yakumira ibiri muri iyi raporo abyita ibinyoma mu buryo bwo gukwepa ibihano bishobora kumufatirwa haba mu gihugu yahungiyemo haba no mu rwego rwa Loni rwagejejweho raporo y’amabi akora.

Amakuru aturuka mubari hafi ya Kayumba avuga ko yifashishije abakunze kumuba hafi Kennedy Gihana ndetse n’umuterankunga Ayabatwa Tribert Rujugiro ndetse na Himbara David umufasha kwandika za propaganda ze, abaha inshingano zo gushaka kugarura isura ya RNC no kurwanya iyi raporo iri kubagaragaza imbere n’inyuma mu mikorere yabo.

Rujugiro Ayabatwa Tribert

Aba bagabo uko ari batatu bahawe amabwiriza cyane cyane yo guhakana ko Kayumba atigeze akorera ingendo muri Repubulika iharanira demokarasi ya Congo aho abarwanyi ba RNC bari kwitoreza nkuko raporo ibigaragaza.

Kayumba kandi yabahaye inshingano zo gutangaza ko ntaho bahuriye na Col Shyaka Nyamusaraba, Capt Sibomana ‘Sibo’ Charles ndetse na Maj Habib Mudhathiru bayoboye izi nyeshyamba ze. Ikindi yabahayemo inshingano ni uguhakana ko RNC ishakisha abarwanyi mu bihugu byo mu karere ikanabashakira inzira zijya Congo baciye muribyo bihugu.

Soma uko RNC na FDLR bihabwa ubufasha n’ibihugu bituranye n’u Rwanda:

Uko Museveni Akomeje Guhuza RNC Na FDLR Akanabafasha Kwinjiza Abarwanyi Babo Mu Burundi Na Congo Ngo Begere U Rwanda Mu Migambi Yo Kurutera

Amakuru yizewe avuga ko iyi propaganda ya Kayumba yitezwe muri iyi minsi, icishijwe mu binyamakuru bimwe na bimwe birimo The Daily Mavericks cyandikirwa muri Afurika y’epfo aho Kayumba acumbikiwe nk’impunzi.

Igitangazamakuru kimenyereweho kuba gitangaza amakuru ya RNC no ku mubano w’u Rwanda na Afurika y’epfo ariko batiza umurindi Kayumba Nyamwasa.

Twabibutsa ko iki gitangazamakuru aricyo kiri inyuma y’itangazwa ry’inkuru nyinshi ku mubano w’ibi bihugu byombi ndetse n’inkuru zagiye zivugwa kuri Ministiri w’ububanyi n’amahanga Lindiwe Sisulu wagiranye ibigabiro byihariye na Kayumba Nyamwasa akanamwishimira.

Gihana na Himbara bakomeje guterwa utwatsi aho bageraga hose bashaka gukuraho icyasha Kayumba n’inyeshamba ze zagaragajwe muri raporo y’impuguke za Loni. Himbara ntiyaburiye hose kuko agikomeza gusaza imigeri akoresheje blog ye ndetse na konti ye ya Facebook.

Gihana Kennedy uba hafi ya Kayumba Nyamwasa

Si iyi raporo yo muri 2018 ivuga kuri Kayumba Nyamwasa n’inyeshyamba ze kuko no muri 2010, raporo y’impuguke za Loni yatangarije Inama y’Umutekano y’uwo muryango ko Kayumba na Karegeya bakorana na FDLR n’indi mitwe y’inyeshyamba ikorera mu Burasirazuba bwa Repubulika Iharanira Demokarasi ya Congo, ibyo bikaba byaraje gushimangirwa n’inama y’umutekano y’ibihugu byo mu Karere k’ibiyaga Bigari.

Twabibutsa ko muri 2011, Kayumba, Karegeya, Rudasingwa na Gahima bakatiwe n’Urukiko Rukuru rwa Gisirikare igifungo cy’imyaka 20 ku byaha bitandukanye birimo gushaka guhungabanya umudendezo wa rubanda, gukoma mu nkokora leta, gutuka Perezida wa Repubulika no guhembera amacakubiri. Kuri Kayumba na Rudasingwa hiyongeraho igifungo cy’imyaka 4 ku cyaha cyo gutoroka igisirikare, bakaba baranambuwe impeta zose za gisirikare.

Himbara David uri mu bafite inshingano zo kuzahura isura ya RNC na Kayumba

Himbara yatangiye kubona ko gahunda ya Kayumba yo gukoresha itangazamakuru rya Afurika y’epfo n’irindi bisangaho bitazatanga umusaruro, dore impuguke za Loni zasabye leta ya Afurika y’epfo mu buryo bwemewe (officiel) amakuru kubyakusanijwe kuri Kayumba cyane cyane ingendo ze akorera muri Congo no mu bihugu byo mu karere.

Hari ibimenyetso simusiga bitazatuma leta ya Afurika y’epfo yirengagiza ubusabe bw’impuguke za Loni. Ibi rero biri gutuma Kayumba n’inkoramutima ze bashya ubwoba bibaza ibigiye gukurikira bishobora no kubaviramo gufatirwa ibihano bikarishye  kubera amabi bakora abangamira umutekano w’akarere k’ibiyaga bigari.

 

2019-01-06
Editorial

IZINDI NKURU

Ibyemezo by’Inama y’Abaminisitiri idasanzwe yo ku wa 1 Mata 2020,  yateranye hifashishijwe ikoranabuhanga

Ibyemezo by’Inama y’Abaminisitiri idasanzwe yo ku wa 1 Mata 2020, yateranye hifashishijwe ikoranabuhanga

Editorial 02 Apr 2020
Amaraso arasama : Kayumba yataye umutwe asigaye arara kumva ya Karegeya

Amaraso arasama : Kayumba yataye umutwe asigaye arara kumva ya Karegeya

Editorial 26 Feb 2017
Bamwe mu bakoresha amahano  Idamange Yvonne barazwi: Ingabire Victoire, Ntaganda Bernard, abana b’abajenosideri bibumbiye muri Jambo ASBL, na bamwe mu banyamakuru bakorera mu Rwanda.

Bamwe mu bakoresha amahano  Idamange Yvonne barazwi: Ingabire Victoire, Ntaganda Bernard, abana b’abajenosideri bibumbiye muri Jambo ASBL, na bamwe mu banyamakuru bakorera mu Rwanda.

Editorial 13 Feb 2021
Uganda: uko bamwe mu bashinzwe umutekano bari inyuma y’icuruzwa ry’abana b’abakobwa mu bihugu by’abarabu

Uganda: uko bamwe mu bashinzwe umutekano bari inyuma y’icuruzwa ry’abana b’abakobwa mu bihugu by’abarabu

Editorial 07 Jul 2019
Ibyemezo by’Inama y’Abaminisitiri idasanzwe yo ku wa 1 Mata 2020,  yateranye hifashishijwe ikoranabuhanga

Ibyemezo by’Inama y’Abaminisitiri idasanzwe yo ku wa 1 Mata 2020, yateranye hifashishijwe ikoranabuhanga

Editorial 02 Apr 2020
Amaraso arasama : Kayumba yataye umutwe asigaye arara kumva ya Karegeya

Amaraso arasama : Kayumba yataye umutwe asigaye arara kumva ya Karegeya

Editorial 26 Feb 2017
Bamwe mu bakoresha amahano  Idamange Yvonne barazwi: Ingabire Victoire, Ntaganda Bernard, abana b’abajenosideri bibumbiye muri Jambo ASBL, na bamwe mu banyamakuru bakorera mu Rwanda.

Bamwe mu bakoresha amahano  Idamange Yvonne barazwi: Ingabire Victoire, Ntaganda Bernard, abana b’abajenosideri bibumbiye muri Jambo ASBL, na bamwe mu banyamakuru bakorera mu Rwanda.

Editorial 13 Feb 2021
Uganda: uko bamwe mu bashinzwe umutekano bari inyuma y’icuruzwa ry’abana b’abakobwa mu bihugu by’abarabu

Uganda: uko bamwe mu bashinzwe umutekano bari inyuma y’icuruzwa ry’abana b’abakobwa mu bihugu by’abarabu

Editorial 07 Jul 2019
Ibyemezo by’Inama y’Abaminisitiri idasanzwe yo ku wa 1 Mata 2020,  yateranye hifashishijwe ikoranabuhanga

Ibyemezo by’Inama y’Abaminisitiri idasanzwe yo ku wa 1 Mata 2020, yateranye hifashishijwe ikoranabuhanga

Editorial 02 Apr 2020
Amaraso arasama : Kayumba yataye umutwe asigaye arara kumva ya Karegeya

Amaraso arasama : Kayumba yataye umutwe asigaye arara kumva ya Karegeya

Editorial 26 Feb 2017
prev
next

6 Ibitekerezo

  1. Sacyega
    January 6, 201912:05 pm -

    Amatiku yo mukarere k’ibiyaga bigari ntazarangira, Rujugiro se urumva yaburamo ate? Inzu ye yatejwe cyamunara , ibibanza yari afite birafatwa n’indi nzu y’i Gikondo, none se murumva yashima ubutegetsi bw’u Rwanda?

    Subiza
  2. katsinono
    January 6, 20191:06 pm -

    BAHAGARARE HAMWE BABAKANYAGE N’UBUNDI NICYO BASHATSE. IYO UBUNYANGAMUGAYO BUBUZE IKIBA GISIGAYE NI MABUSO.

    Subiza
  3. Rebero Jeremy
    January 6, 20195:41 pm -

    Rwose mu karere hamenetse amaraso menshi kuva intambara yatangira mu kwezi kwa cumi 1990. Ubwicanyi bukwiye guhagarara. Yego Kayumba akwiye guhanywa niba abuza abanyekongo umudendezo – niba aribyo! Ariko akoze nk’ibyo yakoze muri 1990, si FPR yabimuhanira nayo itarihana yuko yabujije abantu umudendezo kandi nayo yari ivuye hanze y’igihugu. Njye ikimbabaza nuko ari abanyarwanda buri gihe babangamira amahoro! Kongo itewe inshuro nyinshi ari abanyarwanda babirimo. Iyo abagizi ba nabi bananiwe, bose bahitira mu Rwanda kandi bakakirwa neza! Ba Nkunda, ba Niyombare n’abandi! Sindumva Kongo cyanga Uganda, cyanga se Burundi bakodeshereza amazu abamaze kworeka imbaga iwabo. Natwe nitwibaze twisubize. Gusa tureke kumena amaraso y’inzirakarengane.

    Subiza
  4. Btwenge
    January 7, 20192:47 am -

    Ndabona iki kinyamakuru aricyo
    Gigote ubwoba!

    Subiza
  5. Emmy
    January 7, 20197:45 am -

    Ibi bibazo byose ni mureke kubishyira ku banyarwanda ahubwo biri ku bantu bifuza guhora bamena amaraso ninda nini. None guhera muri 1990 Politique mbi ya Genocide niyo yateye izi ngorane zose ziri muri kano karere turimo kumva ko abantu bamwe bakwiye kubaho abandi bakamarirwa kwicumu!!!! ubuse mu Rwanda ko turi amahoro abanyarwanda duhana inka n’abageni kubera Politique nziza y’ubumwe nubwiyunge. abariho bashaka kuduteza imvuru bamwe barebere ku nda zabo abandi nabasize bahekuye urwanda bagishaka gukomeza gahunda yabo.Reba ibibera i Burundi ntibari bakoze amasezerano ya Arusha yagombaga gushyira iherezo ku bibazo byabo!!!!ubu se ntibayakubise agashoka kubera iki se?Banyarwanda nimuze twiyubakire igihugu cyacu twime amatwi abashaka kuduteza umwiryane kubera inyungu zabo kandi namahanga yabatahuye dutsimbataze ubumwe bwacu murebe ngo turesa imihigo abandi bazerera mu mashyama kandi bazicuza.

    Subiza
  6. NKUBITO AMANI
    April 8, 20195:53 am -

    Àrega urwanda ntawadusubiza mumateka mabi kuko ahomwungeri yatuvanye nisiyose irabizi nushake ubaze sudan centre africa ngoninde wagaruye amahoro

    Subiza

Leave a Reply Cancel reply

Your email address will not be published. Required fields are marked *

INKURU ZAKUNZWE CYANE

Ibitangaza byijejwe na Perezida Ndayishimiye bisize ahubwo u Burundi mu kangaratete

Ibitangaza byijejwe na Perezida Ndayishimiye bisize ahubwo u Burundi mu kangaratete

21 May 2025
AFC/M23 yasabye Perezida Tshisekedi ko yerura akavuga ko ashaka imishyikirano

AFC/M23 yasabye Perezida Tshisekedi ko yerura akavuga ko ashaka imishyikirano

14 Mar 2025
Perezida Paul Kagame yakurikiye umukino u Rwanda rwatsinzemo Djibouti 3-0 hashakwa itike ya CHAN 2025

Perezida Paul Kagame yakurikiye umukino u Rwanda rwatsinzemo Djibouti 3-0 hashakwa itike ya CHAN 2025

31 Oct 2024
Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

01 Oct 2024
“Agafanta” Perezida wa Tchad yasigiye abasirikari b’u Burundi kabakozeho!

“Agafanta” Perezida wa Tchad yasigiye abasirikari b’u Burundi kabakozeho!

15 Jul 2024

AKA RUSHYASHYA

KWAMAMAZA

HIRYA NO HINO

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

Tariki ya 1 Ukwakira: Umunsi wahinduye amateka y’Abanyarwanda “Beatrice Uwera”

01 Oct 2024
Harya ngo “Abanyarwanda bishimye ku gahato”? Igikundiro nticyingingwa Mureke kuba Indashima

Harya ngo “Abanyarwanda bishimye ku gahato”? Igikundiro nticyingingwa Mureke kuba Indashima

28 Jun 2024
Kapiteni w’Amavubi Bizimana Djihad n’ikipe ye ya Kryvbas Kryvi Rih FC yo muri Ukraine babonye itike yo gukina Europa League

Kapiteni w’Amavubi Bizimana Djihad n’ikipe ye ya Kryvbas Kryvi Rih FC yo muri Ukraine babonye itike yo gukina Europa League

16 May 2024
Ni iki cyiza cyava kuri Jean Paul Turayishimye wanywanye na bene Bagosora? 

Ni iki cyiza cyava kuri Jean Paul Turayishimye wanywanye na bene Bagosora? 

11 Apr 2024
Amafoto – Ivory Coast yatsinze Nigeria 2-1 yegukana igikombe cy’Afurika 2023

Amafoto – Ivory Coast yatsinze Nigeria 2-1 yegukana igikombe cy’Afurika 2023

12 Feb 2024
Ibiganiro Leta ya Kongo-Kinshasa nikomeza kubigarama izota umuriro wa M 23 kandi uduce twa Kivu twihaze k’umutekano

Ibiganiro Leta ya Kongo-Kinshasa nikomeza kubigarama izota umuriro wa M 23 kandi uduce twa Kivu twihaze k’umutekano

20 Nov 2023
SADC byashoboka ko yahuza Intego na FARDC Yahisemo Kwifatanya n’Abajenosideri ba FDLR, M23 mu Mambo za Goma biraherera hehe?

SADC byashoboka ko yahuza Intego na FARDC Yahisemo Kwifatanya n’Abajenosideri ba FDLR, M23 mu Mambo za Goma biraherera hehe?

06 Nov 2023

KWAMAMAZA

KWAMAMAZA

Kandaho

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Call: +250 788 429 205
Whatsapp:+250 781 632 040
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru