Polisi ikorera mu gace ka Kisoro muri Uganda yatangaje ko yataye muri yombi abantu 2 bafite ibyangombwa byo mu Rwanda bakaba bakurikiranyweho uburahe mu bwicanyi bwakorewe umuturage wo muri kariya gace muri iki cyumweru dusoje.
Chimpreports dukesha iyi nkuru ivuga ko uyu nyakwigendera witwa Samuel Safari w’imyaka 42 yishwe mu ijoro ryo kuwa Gatanu rishyira kuwa gatandatu, akubiswe gityaye ikintu mu gahanga.
Aba bagabo bakekwa barimo Enock Mushengezi w’imyaka 30 ndetse na Dusengimana Fotunatusi w’imyaka 32 bose bakaba bakomoka Cyabingo muri Gakenke ho mu Rwanda bakaba bakoraga imirimo isanzwe yo gukorera abandi muri kariya gace.
Umuvugizi wa polisi mu gace ka Kigezi, Elly Maate yavuze ko bakekwaho gukubita no kwica uriya nyakwigendera ku mpamvu bataratangaza.
Kugeza ubu, polisi iri kwegeranya ibimenyetso kugira ngo babe bakurikiranwa ku byo bakekwaho.
