Pacifique Niyongabo uvuka i Kigali mu Gatsata wafanaga ikipe ya APR FC, yarohamye mu kiyaga cya Kivu ahita apfa, ubwo bari bagiye gushyigikira ikipe yabo mu mukino wayihuzaga na Rayon Sports wabereye i Rubavu kuwa Gatandatu tariki 23 Nzeri 2017.
Umwe mu bayobozi ba APR FC yabwiye kimwe mu binyamakuru bikorera mu Rwanda ko aya makuru atarabagera ho.
ati : “Eeeee, no ntibishoboka, ayo makuru ntayo tuzi rwose ariko reka nze mbaze neza numve ndahita nkubwira” -Kamarade
Uyu nyakwigendera warohamye mu kiyaga cya Kivu, abo mu muryango we batangaje ko yakundaga cyane ikipe ya APR FC ngo kuko yakundaga kuba ari kumwe nayo hirya no hino mu gihugu aho yabaga yagiye mu mikino itandukanye.
Pacifique w’imyaka 23 yarohamye ku manywa ku Cyumweru tariki 24 Nzeri 2017, ubwo we na bagenzi be bari bagiye koga mu kiyaga cya Kivu, mu gihe bari bategereje ko umukino wari wabajyanyeyo wari waraye usubitswe ushobora gusubukurwa kuri uwo munsi bakahava bawurebye.
Bagenzi be bari bajyanye i Rubavu bamaze kubona ko arohamye bagerageje kumurohora ariko biba iby’ubusa, umurambo we uza kurohorwa kuri uyu wa Mbere tariki ya 25 Nzeri 2017 uhita ujyanwa ku bitaro kugirango ubanze ukorerwe isuzuma(autopsy).
Niyongabo Pacifique w’imyaka 23 yiberaga iwabo i Nyacyonga mu Gatsata nyuma y’uko yari arangije amasomo ye muri Kaminuza ya ULK mu mwaka ushize wa 2016.
Umurambo wakuwe mo n’Abamarine
