• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»INKURU NYAMUKURU»UMUGAMBI WO GUSIGA FPR INKOTANYI ICYAHA CYA JENOSIDE  WAPFUBYE UGITEGURWA

UMUGAMBI WO GUSIGA FPR INKOTANYI ICYAHA CYA JENOSIDE  WAPFUBYE UGITEGURWA

Ubwanditsi 15 May 2020 INKURU NYAMUKURU

Mu gihe twibuka abacu bishwe urw’agashinyaguro bazira uko bavutse, ni ngombwa ko twibukiranya uko Jenoside yakorewe Abatutsi yateguwe, igashyirwa mu bikorwa, ndetse n’amayeri yose abayiteguye bari bahimbye yo kuzayihakana, byananirana bagashaka undi bayegekaho.

Muri iyi nyandiko turifashisha ubushakashatsi bwakozwe  n’impuguke zinyuranye, zirimo na Komisiyo y’Igihugu yo kurwanya Jenoside,CNLG, ibyegeranyo by’abahanga banyuranye, ndetse n’ubuhamya bwatanzwe mu rukiko Mpuzamahanga Rwashyiriweho u Rwanda, tubagaragarize uburyo Leta-ngome  y’Abatabazi, EX-FAR n’abandi ba”power”,  bagiriwe inama yo guhindanya isura ya FPR-Inkotanyi, bayigerekaho ubwicanyi bwose ariko, kuko ukuri kudatsindwa, umugambi  wa ba rukarabankaba upfira mu igi.

Ntibikiri inkuru ko Ubutegetsi bw’Ubufaransa, bwari burangajwe imbere na Perezida François Mitterrand, bwakomeje gufasha leta yakoze Jenoside, butitaye ku bihano yari yafatiwe, nyuma y’aho amahanga atangiye kumenya amahano yari irimo gukorera igice kimwe cy’abaturage bayo.

CNLG yatahuye ibiganiro Jenerali  Jean Pierre HUSHON wari ushinzwe ubutwererare mpuzamahanga mu gisirikari cy’uBufaransa, yagiranye  na Col. Ephrem RWABALINDA wari igikomerwa muri FAR, mu nama yabaye tariki ya 10 Gicurasi 1994 I Paris mu Bufaransa. Mu gusuzuma icyo u Bufaransa bwakomeza gufasha Leta y’Abatabazi yari imaze gukomanyirizwa mu byo kugura intwaro(embargo sur les Armes), Col Rwabalinda yasabye Jenerali HUCHON ko yabavuganira, maze bakabona ibikoresho bya gisirikari, birimo imbunda za rutura, amasasu  yazo n’imyenda ya gisirikari. Ibyo Gen. Huchon yarabyemeye a, ndetse banemeranywa ko ikibuga cyi’indege cya KAMEMBE aricyo byazanyuzwaho rwishishwa, cyangwa hakifashishwa “ibihugu by’ inshuti”bituranye n’uRwanda”. Abashakashatsi banyuranye barimo Komisiyo y’Inteko Ishinga amategeko y’uBufaransa, ndetse n’ubuhamya bwatanzwe mu Rukiko Mpuzamahanga Mpanabyaha Rwashyiriweho uRwanda, ICTR, mu manza z’abahamwe n’icyaha cya Jenoside , cyane cyane izaburashije abasirikari, nka Col. Theoneste Bagosora, Col. Anathole Nsengiyumva, Gen. Augustin Ndindiriyimana n’abandi bari mu buyobozi bukuru bwa FAR, bagaragaza ko ibihugu nka Zayire(ubu ni DRC), Comores n’ibindi byinshi byakomeje gutambutsa ibikoresho bya gisirikari bivuye mu uBufaransa bwa Mitterrand, byohererejwe u Rwanda, muri ambargo hagati. Iby’ikomanyirizwa rya Leta ya  Perezida Theodore Sindikubwayo na Minisitiri w’intebe we, Yohani KAMBANDA,  n’uko uBufaransa bwakomeje kunyuranya naryo, tuzagenda tubigarukaho mu makuru yacu ari imbere

Twigarukire ku mushyikirano hagati ya Gen. Huchon na  Col  Rwabalinda . Muri uwo mubonano rero, wari unarimo  Col Cyprien Kayumba, wari ushinzwe gushakira ingabo za FAR ibikoresho na Col. Sebastien Ntahobari wari “Military Attaché” muri Ambassade y’uRwanda mu Bufaransa, n’abandi ba  ba ofisiye bakuru ba Ex-FAR,   Leta,  y’u Rwanda yashishikarijwe gukora uko ishoboye igahakana uruhare rwayo mu bwicanyi bwari burimo gukorerwa Abatutsi n’Abahutu batari mu mugambi wa Jenoside, ahubwo ikabwegeka kuri FPR-Inkotanyi n’ingabo zayo, bitaba ibyo amahanga akazabavanaho amaboko, kubera ubwo bwicanyi ndengakamere bwakorwaga ku mugaragaro

Col  Rwabalinda na bagenzi be baratumitse, ndetse muri raporo y’ubutumwa yakoze avuye mu Bufaransa igashyikirizwa guverinoma n’ubuyobozi bw’ingabo, yagize ati:” Abategetsi b’uBufaransa biteguye gukomeza kudufasha, gusa bafite imbogamizi kubera itangazamakuru, ribogamiye kuri FPR, rikaba ridahwema kudushinja ubwicanyi. Baradusaba rero gukoresha uburyo bwose icyaha kikajya ku mutwe wa FPR, kugirango turengere isura yacu mu mahanga”.

Amakuru yemeza ko nyuma y’iyi raporo Leta y’Abatabazi yatangiye kuvuga ko FPR yica abantu aho inyuze hose, ko ndetse  abaturage bose bahagurukiye kuyirwanya. Ikirengagiza abahigwaga bayihungiragaho ubutitsa, ndetse n’ibikorwa by’ubutwari abasirikari ba RPA batahwemaga gukora ngo barokore abantu, hatitawe ku bwoko bwabo. Abari za MUMENA, Collège St André, St Paul, Remera, Kicukiro  n’ahandi, bambera abahamya.

Nyuma ya raporo ya Col. Rwabalinda nibwo ibitangazamakuru nka Kangura na RTLM, byatangiye kubuga ko: ..”ubu isi yose yamenye ko  FPR irimo kwica abantu, cyane cyane Abahutu, ko n’abatutsi bapfa ari abiyahuzi, bashotora Abahutu..”Igitangaje ariko, ibyo bitangazamakuru byivuguruzaga buri kanya, biti:”..abahutu mwiba abana. Nimukomeze mutsembe izo nyenzi, ariko  imirambo yazo mwikomeza kuyirambika  ku karubanda, kuko bigaragarira nabi amahanga”.

Ibi byose byaje gukurikirwa n’urugendo Umufaransa Bernard KOUCHNER wari ukuriye Umuryango w’Abaganga batagira Umupaka, MSF, yagiriye mu Rwanda hagati muri Gicurasi 1994, agenzwa n’ibikorwa byo gutabara imfubyi. Nyuma y’inama yagiranye na Guverinoma y’Abatabazi, ibiganiro yagiranye n’imiryango y’ubutabazi yigenga nka CICR, MSF n’indi icyo gihe yashyiraga mu gaciro , ndetse akazenguruka uduce twinshi tw’uRwanda , yiboneye ukuri. Muri raporo ye isoza ubutumwa, Dr Kouchner yabaye mu ba mbere batangaje ko ibibera mu Rwanda ari Jenoside, kandi abibasiwe ari abo mu bwoko bw’Abatutsi.

Isi yose yaje kumenya ko Jenoside yakorewe Abatutsi  yateguwe, igashyirwa mu bikorwa  n’ubutegetsi bwariho mu Rwanda. Uku kuri kwaje no gushimangirwa na ICTR, ndetse abacamanza banzura ko  benshi mu bari mu buyobozi bwa Leta n’ubwa gisirikari mu Rwanda ubwo Jenoside yakorwaga,  bayigizemo uruhare. Ubu abatari bake yarabahamye, bararangiriza ibihano byabo muri gereza, n’ubwo hari abakibundabunda hirya no hino ku isi. Amahanga yarashyize amenya kandi  yemera ko FPR –Inkotanyi yahagaritse Jenoside isi yose ibirebera, maze inama za Gen. Jean Pierre HUCHON  ziba impfabusa zityo. Leta y’Abatabazi yaje gutsindwa, irangara, abayiteraga inkunga bakorwa n’ikimwaro. Ubu bararisha ibipapirano bya “double genocide”, ariko  nabyo ntibizafata,kuko Abanyarwanda barahumutse, ntibakiri ba bandi bakurikira buhumyi, kubera inyungu z’agatsiko.

Bahagurukiye  kuvuga no kuyoboka ukuri, kugeza  igihe na bake bagishukwa, kimwe n’ abanyamahanga bagishyigikiye inkoramaraso bazava ku izima.

Umuhanga yaravuze ati:” Ikinyoma kirihuta, naho ukuri kwigendera buhoro buhoro, ariko bikarangira gutsinze”.

2020-05-15
Ubwanditsi

IZINDI NKURU

Kwiyita impirimbanyi za demukarasi, kwigira abasazi no kwiyicisha inzara byafasha iki abanyabyaha bari mu maboko y’ubutabera?

Kwiyita impirimbanyi za demukarasi, kwigira abasazi no kwiyicisha inzara byafasha iki abanyabyaha bari mu maboko y’ubutabera?

Ubwanditsi 19 Sep 2021
Uganda ntidushobora kubagirira nabi ni abavandimwe dusangiye amaraso – Mushikiwabo

Uganda ntidushobora kubagirira nabi ni abavandimwe dusangiye amaraso – Mushikiwabo

Ubwanditsi 13 Mar 2018
Judith Suminwa Tuluka, umugore wa mbere ugizwe Minisitiri w’intebe mu mateka ya Kongo-Kinshasa.

Judith Suminwa Tuluka, umugore wa mbere ugizwe Minisitiri w’intebe mu mateka ya Kongo-Kinshasa.

Ubwanditsi 01 Apr 2024
Amarira y’Ingona ya Minisitiri Bizimana mu Burundi arabasiga mu kangaratete

Amarira y’Ingona ya Minisitiri Bizimana mu Burundi arabasiga mu kangaratete

RUSHYASHYA 09 Dec 2025

Leave a Reply Cancel reply

Your email address will not be published. Required fields are marked *

IZO TWAGUHITIYEMO

U Rwanda rufite intego ruzira ibiyobyabwenge n’ubuzererezi ni Gahunda igikomeje muri Purpose Rwanda
Amakuru

U Rwanda rufite intego ruzira ibiyobyabwenge n’ubuzererezi ni Gahunda igikomeje muri Purpose Rwanda

Ubwanditsi 30 Mar 2022
Nyuma yo gucuruza imva kuri internet, ikiryabarezi Thomas Nahimana cyiyemeje gutanga pasiporo z’ibicupuri
Amakuru

Nyuma yo gucuruza imva kuri internet, ikiryabarezi Thomas Nahimana cyiyemeje gutanga pasiporo z’ibicupuri

Ubwanditsi 25 Jun 2022
Karongi : Perezida Kagame yafunguye uruganda rwa KivuWatt
Mu Mahanga

Karongi : Perezida Kagame yafunguye uruganda rwa KivuWatt

Ubwanditsi 17 May 2016

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru