Umurenge wa Gitega,akagari ka Gacyamo mu mudugudu wa Mumararungu mu mugi wa Kigali Umubyeyi utaramenyekana yabyaye umwana ahita amujugunya muri ruhurura numa yo kumwica.
Aya mahano yabaye mu ijoro ryo kuri uyu wa mbere taliki ya 22 Mutarama 2018, ubwo umugore utaramenyekana yabyaye umwana arangije amuta muri ruhurura nyuma yo gufata umurambo we akawushyira muri Envelope 3 yari yaguze.
Ubwo umuntu yitambukiraga yakubise amaso uwo murambo wiyo nzirakarengane y’uruhinja yahise ahuruza. Ubwo abanyamakuru bahageraga basanze imbaga y’abantu benshi bari bashungereye umurambo w’uru ruhinja ndetse ari nako banenga bikomeye iki gikorwa cya kinyamaswa uyu mugore yakoze.
Abatuye muri uyu mudugudu w’Intsinzi batangarije Rwandapaparazzi ko amakuru yamenyekanye mu gitondo cyo kuri uyu wa kabiri,ubwo umusore yanyuze kuri iyo ruhurura akabona Envelope ibyimbye agira amatsiko yo kujya kureba ikirimo,afunguye asanga n’umwana wari ukimara kubyarwa agahita yicwa niko guhuruza abaturiye aka gace.
Ubwo polisi y’igihugu n’abayobozi batandukanye bahageraga batangiye iperereza ndetse bagerageza kubaza abaturiye aka gace gusa kuru ubu ntago uwabyaye akanica urwo ruhinja aramenyekana.
