Mu gicuku cyo kuri uyu wa gatatu tariki ya 17 Kanama 2022 nibwo inkuru y’urupfu rw’umuhanzi Burabyo Yvan uzwi nka Yvan Buravan yamenyekanye ko yitbye Imana azize uburywayi bwa Kanseri y’urwagashya.
Uyu muhanzi yitabye Imana nyuma yaho yari amaze iminsi arwaye indwara yafashe mu muhogo we ndetse bikaba byarabanje kugorana kumenya indwara yari arwaye, ibi byatumye uyu muhanzi avanwa mu Rwanda ajyanwa kuvurirwa muri Kenya.
Gusa ubwo yari ageze muri Kenya ntabwo yamazeyo iminsi minsi kuko yahise ajyanwa kuvurirwa mu gihugu cy’u Buhinde ari naho yaguye azize indwara ya kanseri y’urwagashya nk’uko byagaragaye mu itangazo ryashizwe hanze n’abashinzwe kureberera inyungu ze.
Buravan w’imyaka 27 y’amavuko yitabye Imana mu gihe yari mu bikorwa byo gukomeza gushyira hanze indirimbo zitandukanye ndetse anamenyekanisha umuzingo we mushya yise Twaje.
Burabyo Yvan yatangiye kuririmba muri 2009, akaba yaramenyekanye mu ndirimbo zitandukanye zirimo Si Belle, Lowkey, Just a dance, Malaika ndetse n’izindi.
Imana imuhe iruhuko ridashira.
