Urwego rw’Igihugu rushinzwe imfungwa n’abagororwa (RCS) ruravuga ko rutazi aho Ntamuhanga Cassien aherereye, nyuma y’aho atorotse Gereza ya Mpanga.
Ntamuhanga Cassien
Umuvugizi wa RCS, CIP Sengabo Hilary yavuze ko Ntamuhanga yatorotse gereza akoresheje imigozi. ” yatorokanye na Sibomana Kirege wo mu Murenge wa Nyamyumba mu Karere ka Rubavu na Batambirije Théogene wo mu Murenge wa Gatebe mu Karere ka Burera “.
Batambarije Theogene mwene Gihana na Mukamwambusta
Sibomana Kirege mwene Subwumwe na Nyiramiheto.
Uko ari batatu batorotse kuri uyu wa 31 Ukwakira 2017, aho buriye urupangu rwa gereza bakoresheje imigozi.
Ntamuhanga Cassien yari umuyobozi wa Radio Amazing Grace kugeza ubwo yatabwaga muri yombi muri Mata 2014.
Yaburanishijwe mu rubanza rumwe n’umuhanzi Kizito Mihigo na Demobe Dukuzumuremyi Jean Paul ku byaha by’ubugome akatirwa gufungwa imyaka 25 ku byaha byo kugambanira igihugu.
