Mu ntangiriro z’uyu mwaka w’2017, itsinda rya Urban Boyz ryari ryaratangaje imishinga myinshi rizakora irimo no gukorana indirimbo n’umuhanzi w’icyamamare muri Nigeria, Patoranking.
Ubwo iri tsinda ryaganiraga na Radio IsangoStar ku wa 20 Ukwakira 2017 ryabajijwe impamvu iyi ndirimbo ryatangaje ko rizakorana na Patoranking itasohotse rivuga ko itigeze ikorwa bitewe n’ikibazo cy’ubukene.
Nizzo Kabosi uririmba muri iri tsinda yavuze ko iyo ndirimbo bari gukorana na Patoranking ari indirimbo isaba ubushobozi buhanitse bw’amafaranga bakaba bakirimo kuyashakisha igihe cyose bazayabonera bakazahita bayikora.
Muri uyu mwaka w’2017, Urban Boyz yabashije gukorana indirimbo zitandukanye n’abahanzi bo hanze y’igihugu zirimo n’iyo bise ‘Nipe’ bakoranye n’umuhanzi Ykee Benda ubica bigacika mu gihugu cya Uganda muri iki gihe.
