Urubanza uwari kandida Perezida mu matora y’ubushize muri Uganda ruratangira I Kampala uyu munsi tariki 7/3/2016.
Uwo mukandida, John Patrick Amama Mbabazi, yatanze ikirego mu rukiko rw’ikirenga arusaba yuko rwasesa ibyavuye mu matora ku mwanya wa Perezida wa Repubulika ngo kuko amatora yakozwe mu buryo bw’uburiganya, ngo na Yoweri Kaguta Museveni akibirwa amajwi !
Urukiko rw’ikirenga rwatumiye abarebwa bose n’urwo rubanza, runabihanabgiriza yuko hatazagira usiba. Abo barimo abahagarariye ubunyamabanga b’ukuru bwa NRM, Museveni yari abereye kandida Perezida, ababuranira Mbabazi kimwe n’ababuranira Perezida Museveni.
Uretse Amama Mbabazi undi mukandida muri ayo matora ya Perezida wa Repubulika, Kiiza Besigye, nawe nyuma y’aho ibyavuye mu matora bitangarijwe yavuze yuko azatanga ikirego ngo urukiko rutangaze yuko Museveni atigeze atsinda amatora, ariko iminsi irindwi iteganywa n’amategeko irangira icyo kirego ataragishyikiriza urukiko.
Nyuma y’amatora ya 2011 Besigye yatwaye ikirego mu rukiko rw’ikirenga avuga yuko Museveni atari yatsindiye umwanya wa Perezida wa Repubulika ngo ahubwo yari yibiwe amajwi. Yasabaga urukiko yuko rutegeka yuko Museveni ari ku mwanya wa Perezida wa Repubulika mu buryo butemewe n’amategeko, bityo amatora agasubirwamo. Urukiko rwaburanishije urwo rubanza Besigye aratsindwa.
Mbabazi na Museveni
Nk’uko byatangajwe na komisiyo y’amatora muri Uganda, muri ayo matora y’ubushize Museveni yabonye amajwi 5,971,872 (60.6 %), Besigye abona amajwi 3,508,687 (35.6) naho Mbabazi abona 136, 519 (1.39 %). Abandi bakandida bane bahataniye uwo mwanya ntawigeze amajwi angana na 1 %.
Casmiry Kayumba
