Umuyobozi w’urubuga rwa Internet IREME watawe muri yombi mu mpera z’ukwezi gushize yafunguwe by’agateganyo n’ubushinjacyaha bw’u Rwanda.
Umuvugizi w’Ubushinjacyaha Nkusi Faustin yavuze ko uyu munyamakuru yafunguwe by’agateganyo, aho azajya akurikiranwa ari hanze.
“Ni byo koko yarekuwe, yarekuwe ejo, azajya yitaba buri wa gatatu w’icyumweru, parike ikomeze imukurikirane, nyuma izafate icyemezo”.
Bitandukanye n’ibyari byavuzwe mbere, Nkusi yavuze ko icyaha cyo gusambanya ku ngufu uyu munyamakuru yari akurikiranyweho cyahindutse nyuma yo gusanga umukobwa byavugwaga ko yafashe ku ngufu afite imyaka makumyabiri.
Yagize ati “Umushinjacyaha yahinduye qualification y’icyaha (inyito) agaragaza ko ari icyaha cy’urukozasoni kuko byaje kugaragara ko umukobwa ari mukuru, ntabwo ari umwana muto, hari icyemezo kigaragaza ko ari mukuru, afite imyaka 20, birumvikana rero ko nta kindi kintu kigaragaza ko yamufashe ku ngufu”.
Umwanditsi wacu
