Mu gihe kitarenze amezi abiri gusa, RNC imaze gucikamo ibice bitatu, ku buryo abari basanzwe bafatanije aho umwe anyuze undi yifuza kuhanyuza umuriro.
Kuva muri Nyakanga, Dr Théogene Rudasingwa, uri mu bashinze RNC ndetse akaba yari asanzwe aribereye umuhuzabikorwa, yatangaje ko yitandukanyije n’igice cy’iryo shyaka gisanzwe kigaragiwe na Kayumba Nyamwasa, ku buryo yahise ashinga igice gishya yise [Ihuriro Nyarwanda Rishya].
Theogene Rudasingwa ‘New RNC’- IKIRYABAREZI
Iki gice abasomyi nicyo basigaye barise‘New RNC’- IKIRYABAREZI,( uyu ni umukino umaze kwamamara cyane mu Rwanda ukinishwa imashini (slot machines) ukaba ari umukino w’amahirwe.
Dr Rudasingwa amaze gushinga iki gice yigaragaje nk’umuyobozi wacyo, aho yungirijwe na Joseph Ngarambe wari usanzwe ari umugenzuzi mukuru wa RNC na Jonathan Musonera wari usanzwe ari umwe mu bakomiseri icyenda ba RNC wagizwe Umunyamabanga wa New RNC-Ikiryabarezi.
Igice gisigaye ni RNC-Ishaje iyobowe na Gen. Kayumba Nyamwasa ushinjwa n’abo bakoranye kubaka agatsiko mu ishyaka “Agatsiko k’abatutsi” bahoze mu ngabo bakorera Kayumba, ku buryo abagize ako gatsiko bumva amabwiriza bagomba kuyakura kuri Kayumba, akaba ari nawe bagomba gutangaho raporo, mu gihe amategeko ishyaka ryabo ryagenderagaho atari ko yabigenaga.
Gervais Condo
Igice cya gatatu kimaze kuvuka kigizwe n’Abahutu bayobowe na Condo Gervais, ngo wakomeje gusuzugurwa n’abo yita abahoze ari Escort za Kayumba, kuburyo na Gen. Kayumba ubwe yise Gervais Condo umuteruzi w’ibibindi. Ako gatsiko k’abahoze ari abasilikare bayobowe na kayumba ngo bakomeje kugaragaza agasuzuguro gakabije ku Bahutu bitewe nuko badashaka ko bajya kw’isonga ry’iryo huriro.
Kayumba Nyamwasa
Amakuru akavuga ko uwitwa Micombero , inkomamashyi kandi w’inzobere mu guteranya,ubu niwe nkoramutima ya Kayumba ngo kuko yashoboye gutekinika, yirukana Rudasingwa batacanaga uwaka , na none akaba aciyemo ibice RNC ishaje.
Abasomyi rero ba Rushyashya bakomeje kutwandikira bavuga ko ak’ ibigarasha kashobotse ! ubwo bakomeje kuryana Busenene ! bati : mwitegure RNC 4 ya Paulin Murayi uzagaruka kwishyuza aye na RNC 5 ya Musonera utari kumvikana neza na Rudasingwa muri New RNC- ikiryabarezi.
Cyiza Davidson
