Amakuru dukura mu binyamakuru byo hanze aravuga ko mu mugoroba wo ku wa gatanu tariki ya 01 Ukuboza 2017 , Umuhungu wa Dr Léopold Munyakazi witwa Nyirinkwaya Hervé yasanzwe mu nzu yapfuye hari imbunda imuteretse iruhande.
Uwo muhungu wari utuye muri Leta ya North Carolina yari afite imyaka 29 y’amavuko, yari afite impamyabumenyi ya Electrical Engineering yakuye muri University of Pittsburgh muri Leta ya Pennsylvania muri Leta Zunze Ubumwe z’Amerika.
Twabibutsa ko Dr Léopold Munyakazi afungiye mu Rwanda muri Gereza ya Muhanga aho yakatiwe gufungwa ubuzima bwe bwose nyuma yo kwirukanwa muri Leta Zunze Ubumwe z’Amerika n’inzego zishinzwe abinjira n’abasohoka muri icyo gihugu ashinjwa icyaha cya Genocide.
