Bungikanya bagize bati “Mbere twararirimbye ntako tutagize ntabwo mwari mutuzi, nyamara umunsi ‘Indoro’ yageze hanze mwese mwaratumenye muradukunda ntabwo twari twiteze ko tuzaba tugeze aha turashima Imana cyane.”

Muri iki gitaramo Charly na Nina baririmbye indirimbo z’Imana zirimo iza Gaby, Gahongayire na Israel Mbonyi baririmba indirimbo za Kinyarwanda babyinana n’abari bitabiriye iki gitaramo.

Nina yagize “Turirimbe Ikinyarwanda turi mu Rwanda twishimire ko turi Abanyarwanda twishimire ko dufite igihugu cyiza utabona ahandi.”

Abafana banezerewe bacinya barabyina biratinda

Muri iki gitaramo kandi banerekanye filime mbarankuru y’aho bavuye n’aho bageze, bashimira Imana ibagejeje ku rwego rwo kuba ibyamamare.

Charly na Nina bafatanyije n’abahanzi nka DJ Pius, Andy Bumuntu, Buravan, Juilana, mu gitaramo cyacuranzwe ku buryo bwa ‘Live’.

Amafoto

Abafana bari baje bitwaje ibyapa byo gushyigikira Charly na Nina

Abari mu byicaro byabo ntibyababujije guhaguruka

Umunyamakuru Anita Pendo nawe ntiyahatanzwe

Aline Gahongayire yari yaje gushyigikira abahanzi bagenzi be

Umunyamideli Kate Bashabe bamuhaye indangurura majwi nawe akora mu nganzo

Uwo mufana ukomeye nawe byamwanze mu nda arahaguruka ngo yihere ijisho

Andy Bumuntu yataramiye abari bahari baranyurwa

Ababyeyi ba Charly ntibatanzwe n’igitaramo cy’umukobwa wabo

Big Fizo nawe yaririmbye muri iki gitaramo

Muyoboke Alexi, umujyanama wa Charly na Nina yanyuzwe acinya akadiho

Abize ku Nyundo nibo bafashije Charly na Nina mu gucuranga no kuririmba

Buravan aririmba

Charly na Nina bageze aho nabo bicara mu bafana bakurikira igitaramo

Julianna Kanyomozi agitangira kuririmba ibintu byarushijeho kuryoha

Juliana yagiye mu bafana barabyinana karahava

DJ Ira umaze kumenyekana mu muziki nawe ntiyatanzwe n’iki gitaramo