Rwemayire François w’imyaka 55, warindaga akabari kitwa One Love, gaherereye mu Murenge wa Nyamabuye mu Karere ka Muhanga, yishwe n’abagizi ba nabi atewe ibyuma ku ijosi.
Ahagana saa kumi n’ebyiri za mu gitondo cyo kuri uyu wa Gatanu ni bwo amakuru y’urupfu rwa Rwemayire yamenyekanye.
Umunyamabanga Nshingwabikorwa w’Umurenge wa Nyamabuye, Rurangwa Laurent, yabwiye IGIHE ko bikekwa ko uyu muzamu yishwe n’abajura bari bagiye kwiba mu idukaricuruza ibikoresho bya ’electronique’ rifatanye n’ako kabari.
Yagize ati “ Byamenyekanye saa kumi n’ebyiri tubibwira polisi, tujyayo dusanga yishwe, afite ibikomere ku ijosi.”
Yakomeje avuga ko polisi yatangiye iperereza ndetse anasaba abaturage gukaza amarondo no gufatanya n’inzego z’umutekano batangira amakuru ku gihe.
