Nyuma y’iraswa ry’indege y’u Burusiya muri Siriya, abantu 15 bari bayirimo bakahasiga ubuzima, Isiraheli yashinjwaga kubigiramo uruhare irabihakana yivuye inyuma.
Indege y’u Burusiya ikusanya amakuru y’urugamba yarashwe yapfiriyemo abakozi babwo 15 bari mu kazi, u Burusiya bwari bwatangaje ko abasirikare ba Siriya bayirashe Isiraheri ibigizemo uruhare.
Iyi ndege yarashe ku mugoroba wo ku wa Mbere tariki ya 17 Nzeri 2018, iri hejuru y’inyanja ya Maditerane igice cya Siriya. Ministiteri y’ingabo mu Burusiya yahise ibishinja Isiraheli kubigiramo uruhare.
Uku gukeka Isirahe byatumye Ambasaderi w’iki gihugu atumizwa igitaraganya i Moscou gutanga ibisobanuro ku iraswa ry’iyo ndege. Mu bisobanuro yatanze akaba yagaragaje uburyo nta ruhare babigizemo bityo anatangaza ko bababajwe cyane n’urupfu rw’abakozi 15 bahasize ubuzima.
Nk’uko AFP ibitangaza, ku ruhande rwa Amerika, yatangaje ko iraswa ry’iyi ndege ryabayeho ku bw’uburangare bw’ingabo za Siriya zishinzwe kurinda ikirere. Irahakana uruhare Isiraheri yaba yabigizemo cyangwa u Bufaransa.
