• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»Amakuru»Rafael York yasanze Amavubi muri Afurika y’Epfo, US Monastir itwara BAL 2022 , Kigali Peace Marathon imidali yihariwe na Kenya – Ibyaranze impera z’icyumweru muri Siporo

Rafael York yasanze Amavubi muri Afurika y’Epfo, US Monastir itwara BAL 2022 , Kigali Peace Marathon imidali yihariwe na Kenya – Ibyaranze impera z’icyumweru muri Siporo

Ubwanditsi 30 May 2022 Amakuru, IMIKINO

Impera z’icyumweru dusoje zisize hirya no hino hari ibikorwa bitandukanye bya Siporo byakomeje, harimo kwitegura amarushanwa ari imbere ku makipe ahagarariye igihugu ndetse n’ibindi bihugu byari byitabiriye amarushanwa yabereye mu Rwanda.

Ikipe y’igihugu y’u Rwanda y’abagabo, Amavubi ari kubarizwa mu gihugu cya Afurika y’Epfo aho barimo kwitegura umukino ubanza wo guhatanira itike yo gukina igikombe cya Afurika kizaba umwaka utaha wa 2023, ni umukino bitegura gukina na Mozambique tariki ya 2 Kamena 2022.

Amavubi yahagurutse mu Rwanda kuri iki cyumweru ku isaha ya Saa yine za mu gitondo bagera muri icyo gihugu saa Cyenda, bagezeyo amahoro ndetse bategereje Kagere Medie ukina muri Tanzania naho Raphael York we ubu wamaze kugera mu mwiherero.

Mu gitondo cyo kuri uyu wa mbere, abakinnyi b’ikipe y’igihugu Amavubi bakoze urugendo rwo kunanura imitsi mu busitani bwa Gold Reef City Theme Park Hotel ikipe icumbitsemo mu mujyi wa Johannesburg.

Biteganyijwe ko ku gicamunsi cyo kuri uyu munsi ikipe y’igihugu yitegura gukina umukino wa mbere w’amatsinda yo gushaka itike yo gukina imikino y’igikombe cya Afurika kizabera muri Cote d’Ivoire ikora imyitozo.

Ku rundi ruhande, Ikipe y’igihugu y’Abagore iri i Jinja muri Uganda, aho yagiye kwitabira imikino ya Cecafa Senior Women, muri iki gitondo ikaba yakoze imyitozo yitegura iri rushanwa ritazangira kuri uyu wa Gatatu.

Iyi kipe iri mu itsinda rya mbere hamwe na Uganda, Burundi ndetse na Djibouti.

Kuri iki cyumweru, nibwo amakuru yagiye hanze avuga ko umukinnyi w’ikipe y’igihugu y’u Rwanda, Amavubi ndetse na Rayon Sports Iranzi Jean Claude yamaze kwerekeza muri Leta z’Unze Ubumwe za Amerika aho bivugwa ko agomba guturayo.

Mu mukino w’intoki wa Basketball, mu mpera z’icyumweru hasojwe irushanwa rya Basketball Africa League (BAL 2022) ryaberega mu nyubako ya BK Arena, ni irushanwa ryarangiye ikipe ya US Monastir yegukanye igikombe nyuma yo gutsinda Petro de Luanda amanota 83 kuri 72.

Kuri iki cyumwe nibwo habaye Kigali Peace Marathon aho yasojwe igihugu cya Kenya cyongeye kwiharira imidali itandukanye haba muri Marathon y’ibilometero 42 ndetse n’igice cyayo gihwanye na Km 21.

Muri marathon Mu bagabo (42km) Wilfred Kigan niwe watwaye umwanya wa mbere, mu gihe mu kiciro cy’abagore, Margaret Agai niwe wabaye uwambere aba bose bakaba ari abakinnyi bakomoka muri Kenya.

Muri Half Marathon(21km), mu bagabo Umunyakenya Shadrack Kimining Korir yabaye uwa mbere naho munbagore umwanya wa mbere wegukanywe na Musabyeyezu Adeline w’umunyarwandakazi.

Ni isiganwa ryitabiriwe n’abanyacyubahiro batandukanye barimo Madamu Jeannette Kagame na Margaret Kenyatta, Madamu wa Uhuru Kenyata uyobora igihugu cya Kenya.

Hari kandi Minisitiri wa Siporo mu Rwanda, Madame Aurore Munyangaju Mimosa, Sir Mo Farah akaba umunyabigwi mu gusiganwa ku maguru dore ko yatwaye imidali myinshi harimo n’uwo mu mikino ya Olempiki.

Mu makuru yo mu Karere ka Afurika y’i Burasirazuba, ikipe ya Yanga SC yatsinze 1-0 ikipe ya Simba SC mu mukino w’igikombe cy’igihugu cya Tanzania (Azam Sports federation Cup) bituma igera ku mukino wa nyuma aho izahura na Coastal Union.

Mu mupira w’amaguru, ku mugabane w’i Burayi ikipe ya Real Madrid yo muri Esipanye yegukanye igikombe cya UEFA Champions League itsinze ikipe ya Liverpool yo mu gihugu cy’u Bwongereza igitego kimwe ku busa.

Ni umukino wa nyuma wakiniwe kuri Stade de France, aho icyo gitego kimwe cyatsinzwe n’umunya Brazil Vinicius Junior, iki gikombe Real Madrid yatwaye kikaba cyabaye icya 14 cya UEFA Champions League batwaye mu mateka yabo.

Muri NBA, ikipe ya Boston Celtics yatwaye igikombe cy’Iburasirazuba muri muri shampiyona y’umukino w’intoki wa Basketbalm muri Leta z’Unze ubumwe za Amerika, ibi ikaba yabigezeho nyuma yo gutsinda Miami Heat imikino 4-3 mu mikino 7 bakinnye, iyi kipe ikaba izahura na Golden State Warriors yo yatwaye igikombe cy’I Burengerazuba.

2022-05-30
Ubwanditsi

IZINDI NKURU

U Bufaransa bwakatishije itike ya ½ mu gikombe cy’Isi busezereye Uruguay

U Bufaransa bwakatishije itike ya ½ mu gikombe cy’Isi busezereye Uruguay

Ubwanditsi 07 Jul 2018
Uburwayi bwo mu mutwe buravurwa bugakira, na Himbara David yemeye kunywa imiti yakira

Uburwayi bwo mu mutwe buravurwa bugakira, na Himbara David yemeye kunywa imiti yakira

Ubwanditsi 10 Oct 2022
Abangavu b’u Rwanda bari munsi y’imyaka 20 mu mukino wa Cricket bakomeje guhesha ishema urwababyaye muri Afurika y’Epfo

Abangavu b’u Rwanda bari munsi y’imyaka 20 mu mukino wa Cricket bakomeje guhesha ishema urwababyaye muri Afurika y’Epfo

Ubwanditsi 17 Jan 2023
Ibitego, uduhigo, amarira… Ibihe bidasanzwe byagize Lionel Messi igihangange ku Isi

Ibitego, uduhigo, amarira… Ibihe bidasanzwe byagize Lionel Messi igihangange ku Isi

RUSHYASHYA 01 Sep 2026

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Ku bw’impamvu z’umutekano, umwiherero w’ikipe y’igihugu, Amavubi wari kubera muri Morocco wimuriwe mu Misiri
Amakuru

Ku bw’impamvu z’umutekano, umwiherero w’ikipe y’igihugu, Amavubi wari kubera muri Morocco wimuriwe mu Misiri

RUSHYASHYA 03 Jun 2026
Mbere y’uko usohoka mu nzu ntunatekereza ngo ngiye hanze gukora iki? – Perezida Kagame
POLITIKI

Mbere y’uko usohoka mu nzu ntunatekereza ngo ngiye hanze gukora iki? – Perezida Kagame

Ubwanditsi 09 Jul 2018
Muramu wa Rwigara [ Ben Rutabana ]na Edgar Tabaro mu mugambi wo kwagura RNC mu karere ushyigikiwe na Museveni
INKURU NYAMUKURU

Muramu wa Rwigara [ Ben Rutabana ]na Edgar Tabaro mu mugambi wo kwagura RNC mu karere ushyigikiwe na Museveni

Ubwanditsi 18 Sep 2018

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru