Kuri uyu wa gatatu, tariki ya 9 Kamena 2022 nibwo hakinwe imikino yo kwishyura ya 1/4 yo mu kiciro cya kabiri mu bagabo aho bahatanira kugikina imikino y’ikiciro cya mbere mu bagabo mu mwaka w’imikino wa 2022-2023.
Duhereye mu karere ka Muhanga, ikipe ya AS Muhanga yari yakiriye Rwamagana City, ni umukino warangie Rwamagana itsinze 2-1 ni mugihe mu mukino ubanza yaritsinzwe na AS Muhanga 1-0, bityo ku giteranyo cy’imikino yombi amakipe anganya 2-2.
Gusa nubwo banganyije 2-2, ikipe ya Rwamagana City yo mu karere ka Rwamagana niyo yahize ikomeza mu kindi kiciro kuko yatsindiye hanze ibitego byinshi ugereranyije nibyo AS Muhanga yahatsindiye.
Mu karere ka Nyanza, ikipe yaho ya Nyanza FC yari yakiriye Interfoce, umukino urangira Nyanza itsinze ibitego 2-1, mu mukino ubanza Interforce nayo yari yatsinze 2-1 bityo amakipe yombi akaba yanganyije 3-3, bituma bajya muri Penaliti Nyanza isezererwa kuri Penaliti 9-10 za Interforce FC.
Mu karere ka Nyagatare, ikipe ya Sunrise FC yahatsindiye Intare FC 3-0, mu mukino ubanza Intare yari yatsinze 1-0, bityo ikipe isanzwe itozwa na Seninga Innocent yahize igera muri 1/2 ku giteranyo cy’ibitego 3-1.
Ikipe ya Vision FC nayo yaraye igeze muri kimwe cya kabiri cy’iyi mikino nyuma yo gusezerera ikipe ya Heroes ku giteranyo cy’ibitego 5-3, ni nyuma yaho mu mukino wo kwishyura wabaye kuri uyu wa gatatu warangiye Vision itsinze 4-1.
Mu mukino ubanza wabaye mu mpera z’icyumweru gishize, ikipe ya Heroes FC yari yatsinze Vision 2-1.
Biteganyijwe ko imikino ibanza ya 1/2 izakinwa mu mpera z’iki cyumweru tariki ya 11 Kamena 2022 yose ikazaba ku isaha ya Saa munani, ikipe ya Sunrise izakira ikipe ya Vision FC naho Rwamagana City izakine na Interforce FC.
