Kuri uyu wa kane tariki ya 16 Kamena 2022, nibwo hakinwa umunsi wa 30 wa shampiyona y’u Rwanda 2021-2022 aho hamenyekana ikipe yegukanye igikombe cy’uyu mwaka, ni hagati ya APR FC na Kiyovu SC agihanganiye kugeza ubu.
Nk’uko ishyirahamwe ry’umupira w’amaguru mu Rwanda, FERWAFA, yabitangaje kuri nyuma y’imikino iri bukinwe nibwo hatangwa igikombe cya Shampiyona y’umwaka w’imikino wa 2021 – 2022.
Binyuze kuri twitter ya FERWAFA bagize bati “igikombe cya Primus National League 2021/2022 kiratangwa uyu munsi nyuma y’imikino y’umunsi wa 30, FERWAFA iraza gushyikiriza igikombe ikipe izaba yagitsindiye hagati ya APR FC Kuri stade ya Kigali na SC Kiyovu Kuri stade ya Muhanga.”
Mugihe hagiye gukinwa umunsi wa 30 wa shampiyona y’u Rwanda, ikipe y’ingabo z’igihugu ya APR FC iyoboye urutonde rwa shampiyona aho kugeza ubu ifite amanota 63 naho ikipe ya Kiyovu SC iri ku mwanya wa kabiri n’amanota 62.
Uko imikino y’umunsi wa 30 uri bukinwe:
Kuwa Kane, tariki ya 16 Kamena 2022:
AS Kigali vs Etoile de l’Est (Stade de Kigali, 12h30)
Musanze FC vs Rutsiro FC (Stade Ubworoherane, 12h30)
Police FC vs APR FC (Stade de Kigali, 15h00)
Kiyovu SC VS Marines FC (Stade Muhanga, 15h00)
Kuwa Gatanu, tariki ya 17 Kamena 2022:
Gasogi United vs Rayon Sports (Stade de Kigali, 15h00)
Etincelles FC vs Mukura VS (Stade Umuganda, 15h00)
Kuwa Gatandatu, tariki ya 18 Kamena 2022:
Gorilla FC vs Espoir FC
Gicumbi FC vs Bugesera FC
