Kuri uyu wa Kane tariki ya 28 Werurwe 2024 nibwo hakinwe umukino w’umunsi wa 25 wa Shampiyona y’u Rwanda mu kiciro cya mbere cy’Abagabo, kuri Kigali Pele ikipe ya Etoile de l’Est yahatsindiye Gasogi United 1-0.
Ni umukino wakinwe aya makipe yombi yifuza umusaruro kuri uyu mukino cyane cyane kuri Etoile de l’Est iri kubarizwa ku mwanya wa 16 ari nawo wa nyuma ku rutonde rw’agateganyo kuko kuri ubu mbere y’uyu mukino yari ifite amanota 19 naho Gasogi yari ku mwanya wa 10 n’amanota 29.
Ikipe ya Gasogi United yari iri mu rugo yatakaje uyu mukino aho yatsinzwe na Etoile de l’Est igitego kimwe ku busa cyatsinzwe na Gabriel Godspower bityo iyi kipe ikomeza kwizera ko yazaguma mu kiciro cya mbere iramutse ikomeje kwitwara neza.
Iki gitego cyatsinzwe ku munota wa 59 nicyo cyagejeje ikipe yo mu karere ka Ngoma ko mu ntara y’i Burasirazuba ku manota 22 aho ubu irushwa inota rimwe na Gorilla FC izahura an Police FC kuri uyu wa Gatandatu.
Gasogi United yatsindiwe mu rugo igitego kimwe ku busa cyatumye n’ubundi iguma ku mwanya wa 10 aho igifite amanota 29.
Usibye uyu mukino wakinwe uyu munsi, hari indi mikino izakinwa ku munsi wa 25:
Kuwa Gatanu, tariki ya 29 Werurwe 2024:
Amagaju FC vs Marine FC
Kuwa Gatandatu, tariki ya 30 Werurwe 2024:
Gorilla FC vs Police FC
Kiyovu SC vs Musanze FC
Mukura VS vs Rayon Sports
Ku cyumwreru, tariki 30 Werurwe 2024:
Bugesera FC vs Etincelles
Sunrise FC vs AS Kigali
APR FC vs Muhazi United
