ADEPR : Uko Usabwimana Samuel yahunze Igihugu n’Impamvu zabyo [ Yavuguruwe ]

Amakuru aturuka mu bakirisito batandukanye mu Itorero rya ADEPR avuga ko uwahoze ayobora iryo torero Pastor Usabwimana Samuel yagize ubwoba ahunga igihugu ku makosa bivugwako yari yakoze.

Amakuru avuga ko yahungiye mu gihugu cy’Ububiligi aho yatinyaga ko azafungwa kubera ibyaha ashinjwa.

Ikinyamakuru Rushyashya cyabashije kumenya ko mu bikomeye ashinjwa harimo amafaranga yashyizwe mu kigega CICO arenga Miliyoni Magana ane yose yaburiwe irengero. Iki kibazo kikaba kigikurikiranwa n’ubuyobozi bushya buriho bwa ADEPR.

Pastor Usabwimana Samuel wahunze Igihugu

Umwe mu bayobozi ba ADEPR utarashatse ko amazina ye atangazwa yemeje aya makuru abwira Rushyashya ko Samuel akiri umuyobozi wa ADEPR yakoze amanyanga menshi.

Ibyo byose bikaba byaramuteye ubwoba ahitamo guhungira mu gihugu cy’Ububiligi aho yasanzeyo Nsanzurwimo nawe wayoboyeho ADEPR.

Leta ishima ibikorwa by’ itorero rya ADEPR rimaze kugeraho birimo Dove Hotel n’indi mishinga itandukanye ariko bamwe mu bayihozemo n’abandi bayirimo bakomeje kuyitobera.

Cyiza D.