Mu mpera z’icyumweru dusoje mu marushanwa yo ku mugabane w’I burayi habaye itungarana rikomeye ndetse na bimwe mu byemezo bitagiye bivugwaho rumwe na benshi mu bakunzi b’umupira w’amaguru cyane cyane mu gihugu cy’ubwongereza aho ikipe ya Manchester city yaraye inyagiwe ibitego 5-2 na Leicester City ndetse n’inyagirwa rya Bayern Munchen mu gihugu cy’ubudage.
Amashampiyona 5 asanzwe akomeye ku mugabane w’I burayi yose yamaze kugaruka ndetse imikino yarakomeje mu mpera z’iki cyumweru aho hagaragaye itungurana rikomeye; duhereye mu gihugu cy’ubwongereza kuwa gatandatu ku Isaha ya saa saba n’igice ikipe ya Manchester United yari yasuye ikipe ya Brighton Hove Albion umukino ugera ku munota wa 95 ari 2-2 gusa VAR iza kwemeza ko hari umukinnyi wakoze umupira maze agarura abakinnyi mu kibuga batera penaliti maze Bruno Fernandes ayinjiza neza bituma iyo kipe itsinda umukino wa mbere muri uyu mwaka w’imikino.
Undi mukino wabayemo gutungurana ni uwahuje Chelsea na West Bromwich Albion bitunguranye igice cya mbere kirangira Chelsea itsinzwe 3-0, gusa mu gice cya kabiri iyo kipe itozwa na Frank Lampard iva inyuma irabyishyura barangiza banganya 3-3.
Tothenham nayo ntago byayihiriye kuko yaje kunganya na Newcastle United 1-1, Everton yo yatsinze ikipe ya Crystal Palace 2-1, Westham yanyagiye Wolves 4-0 kuri iki cyumweru, undi mukino wagaragayemo gutungurana ni uwahuje ikipe ya Manchester City yanyagiriwe ku kibuga cyayo na Leicester city ibitego 2-5.
Mu budage naho habaye itungurana rikomeye cyane aho ikipe ya Bayern Munchen yanyagiwe na TSV Hoffenheim ibitego 4-0, iyi Bayern yaherukaga gutsindwa mu kwezi kwa 12 umwaka ushize wa 2019, mu gihugu cy’ubutalitani ikipe ya Juventus ntiyabashije kubona intsinzi nyuma yo kunganya na AS Roma ibitego 2-2 byose byaje byishyuwe na Cristiano Ronaldo bituma yuzuza ibitego 450 mu mashampiyona asaga 4 amaze gukinamo kuva yatangira gukina umupira w’amaguru.
Kuri uyu wa mbere haraza gukomeza shampiyona yo mu gihugu cy’ubwongereza aho ikipe ya Liverpool iza gukina na Arsenal ku kibuga cyayo Anfield Road, mu mikino ibiri iheruka guhuza ayo makipe yombi Arsenal yabashije kuyitsinda yose, uheruka nuwo Arsenal yatsindaga Liverpool kuri penaliti nyuma yo kunganya 1-1 mu mukino utangiza shampiyona mu gihugu cy’ubwongereza (Community Shield).
