Ikipe ya Manchester United ndetse na Manchester City zaratsinzwe mu gihe ikipe ya Chelsea na Liverpool zo zatsinze ibitego byinshi mu mikino zakinnye na ho Arsenal ikagaruka mu rugendo rwo guhatanira igikombe nyuma yo gutsinda Leicester City.
abakinnyi ba Manchester mu bimwaro byinshi
Shampiyona y’umupira w’amaguru yo mu gihugu cy’u Bwongereza yakinwaga ku munsi wayo wa 21 mu mpera z’icyumweru dushoje.
umutoza mu gitutu kinshi
Mu mikino yabaye ku wa gatandatu, Manchester United yatsinzwe na Sunderland ibitego 2-1 byatsinzwe na Wahbi Khazri ndetse n’umunyezamu David De Gea witsinze mu gihe Manchester United yatsindiwe na Anthony Martial.
Ni ku nshuro ya karindwi Manchester United yari itsinzwe muri shampiyona y’uyu mwaka, bikaba byarakomeje gushyira igitutu gikomeye ku mutoza Luis Van Gaal bivugwa ko yarangije gusimbuzwa Jose Mourinho nubwo bitari byemezwa ku mugaragaro.
Mourinho ushobora kuza muri Man u isaha kuyindi
Mu yindi mikino yo ku wa gatandatu, AFC Bournemouth yatsinzwe na Stoke City 1-3 mu gihe Watford yatsinze Crystal Palace igitego 1-0 na ho Norwich City ikanganya na West Ham United ibitego 2-2.
Chelsea yatsinze yihanangirije New Castle iytsinda ibitego 5-1 bytasinzwe na Diego Costa, Pedro Rodriguez watsinze 2, Willian na Bertrand Traore na ho Andos Townsend atsindira New Castle igitego cy’impozamarira.
Chelsea ikomeje kuzamuka buhoro buhoro
Ku wa gatandatu kandi, Southampton yatsinze Swansea City igitego 1-0.
Arsenal ni yo kipe yonyine mu makipe ahatanira igikombe mu Bwongereza yabashije gutsinda Leicester City inshuro 2 (mu mikino ibanza n’iyo kwishyura).
Welbeck wakuye ahaga Arsenal ubwo yatsindaga igitego cya Kabiri
Gutsinda kwa Arsenal byayigaruye ku mwanya wa gatatu aho ifite amanota 51 inganya na Tottenham ya kabiri ikurikira Leicester City iri ku mwanya wa mbere n’amanota 53.
Iyi Tottenham yageze ku mwanya wa kabiri nyuma yo gutsinda Manchester City iwayo, ibitego 2-1 byatsinzwe na Harry Kane na Christian Erikssen mu gihe Manchester City yari iwayo yatsindiwe na Kelechi Iheanacho.
Liverpool yo yatsinze Aston Villa ibitego 6-0 byatsinzwe na Danniel Sturridge, James Milner, Emre Can, Divock Origi, Nathaniel Clyne, na Kolo Toure.
hano umukinnyi wa Lverpool Divock Origi yaratsinze igitego ajya mu bafana
Uko zikurikirana mu bwogereza
1 Leicester City 53
2 Tottenham Hotspur 51
3 Arsenal 51
4 Manchester City 47
5 Manchester United 41
6 Southampton 40
7 West Ham United 40
8 Liverpool 38
9 Watford 36
10 Stoke City 36
11 Everton 35
12 Chelsea 33
13 Crystal Palace 32
14 West Bromwich Albion 32
15 Bournemouth 28
16 Swansea City 27
17 Norwich City 26
18 Newcastle United 24
19 Sunderland 23
20 Aston Villa 16
Uko muri Espanye byangenze
Barcelona 6 :1 Celta Vigo
Eibar 2 :0 Levante
Getafe 0: 1 Atlético
Sevilla 2 :0 Las Palmas
Real Sociedad 3 :0 Granada
Deportivo La Coruna 2:2 Real Betis
Valencia 2:1 Espanyol
Villarreal 1:0 Malaga
Real Madrid 4:2 A Bilbao
M.Fils
