Ku mugoroba wo kuri iki cyumweru, abakobwa icyenda (9) basezerewe 15 barakomeza muri 24 bari bahagarariye Intara n’Umujyi wa Kigali bifuzaga kuvamo umwe uba Miss Rwanda 2016. Bamwe mu bakomeje harimo abagaragarijwe ko bashyigikiwe cyane nka Sheriffa Umuhoza na Jolly Mutesi bafite abafana benshi.
Abakobwa bose babanje kwiyerekana
Abahatana 24 babazwaga ibibazo bitandukanye 24 basubiza mu Kinyarwanda n’ikibazo kimwe gusa basubiza mu rurimo bashaka hagati y’Icyongereza n’igifaransa, 22 iki kibazo cyo mu rundi rurimi bagisubije mu cyongereza, babiri gusa nibo bagisubije mu gifaransa.
Abakobwa bari bambaye amakunzu meza buri umwe atambuka nta mususu nk’uwabitojwe mbere.
Akanama nkemurampaka
Blabine uri kugerageza amahirwe ye ku nshuro ya kabiri muri iri rushanwa, bwa mbere yabaye igisonga cya kane.
Ibibazo babazwaga mu Kinyarwanda benshi babisubije wumva bumva neza icyo babajijwe kandi batanga ibisubizo bya nyabyo, bishoboka cyane ko ibi ari bimwe mu bibazo babazwaga mu kiciro cy’ijonjora mu gushaka abahagararira Intara zitandukanye n’Umujyi wa Kigali.
Sharifa Umuhoza, Jolly Umutesi byagaragaye ko bashyigikiwe n’abafana benshi ubwo babaga baje kuri scene.
Akanama k’abakemurampaka kavuze ko abatoranyijwe bashingiye ku bwenge, kuba intyoza ubwiza n’uko bifata imbere y’abantu.
Abakobwa 15 baje gutoranywa muri aba 24 ni;
20 Umuhoza Shariffa
7 Umutoni Balbine
18 Jane Mutoni
16 Jolly Mutesi
12Vanessa Mpogazi
11 Peace Kwizera Ndaruhuhtse
25 Arianne Uwimana
24 Rangira Marie d’Amour
23 Solange Uwamahoro
22 Cyinthia Umutoniwabo
1 Delyla Akili
9 Doreen Umuhoza
15 Eduige Mutesi
13 Sheilla Mujyambere
7 Eduige Isimbi
Aba bakobwa 15 bagiye gukomereza mu mwiherero wo kwigishwa indangagaciro za Kinyarwanda, amateka n’umuco by’u Rwanda ndetse n’andi masomo yabafasha mu gihe bahagarariye u Rwanda ku ruhando mpuzamahanga.
Nyuma y’ibyumweru bibiri nibwo biteganyijwe ko hazaba Final aho muri aba 15 hazatoranywa Miss Rwanda wa 2016 uzambikwa ikamba na Doriane Kundwa Miss Rwanda 2015.
Iri rushanwa ryateguwe na Rwanda Inspiration BackUp ifatanyije n’Inteko y’igihugu y’Ururimi n’Umuco n’abaterankunga batandukanye.
Abasezerewe bifurije abandi amahirwe
Aba ni icyenda basezerewe:
8 Nickita Kaneza
21 Usanase Umuhumuriza Samantha
5 Pascaline Umutoni
2 Fiona Doreen Ashimwe
3 Nasra Bitariho
14 Olive Munezero
6 Sandrine Ikirezi
4 Abi Gaelle Gisubizo
10 Ange Karigirwa
M.Fils
