Mu gihe hashize iminsi tubagejejeho inkuru yavugaga ku macakubiri akomeje kugaragara mu ishyaka CNDD-FDD riri ku butegetsi mu gihugu cy’u Burundi, ahanini ashingiye ku guhatanira kuzasimbura Nkurunziza mu gihe yaba atongeye kwiyamamaza, kuri ubu biravugwa ko umwe mu bakekwahago kuzamusimbura ndetse n’abandi baba bafungishijwe ijisho bazira gukorana n’abashatse guhirika ubutegetsi.
Biravugwa ko kuri ubu minisitiri w’umutekano, Gen. Alain Guillaume Bunyoni bita Mutama 2, muri iyi minsi yaba arebana ay’ingwe na sebuja, Perezida Pierre Nkurunziza.
Amakuru ava ku rubuga rwo mu Burundi, UBMNews akaba yemeza ko Gen. Bunyoni ari gushinjwa gukorana n’abashatse guhirika ubutegetsi mu,barimo Gen. Pontien Gaciyubwenge, wari minisitiri w’ingabo mu 2015.
Undi bivugwa ko bari gukorana ni Godefroid Niyombare ari nawe wari uyuboye igikorwa cyo kugerageza guhirika ubutegetsi bwa Nkurunziza mu 2015.
INKURU BIFITANYE ISANO:
Burundi: Bamwe Mu Bakekwaho Kuzasimbura Perezida Nkurunziza, Barigamba Ubwicanyi [ VIDEO ]
Kuri ubu rero ngo urugo rwa Gen. Bunyoni rurinzwe bikomeye n’abashinzwe umutekano ndetse kimwe na bagenzi be bakekwaho gukorana n’umwanzi bakaba batemerewe gusohoka mu gihugu.
Amakuru ava mu Burundi akaba akomeza avuga ko ibi byatumye igisirikare kiryamira amajanja ndetse abasirikare benshi ngo bakaba barimo kwerekeza mu Cibitoke aho biteguye guhangana n’umwanzi wese waturuka muri Congo.
Ibifaru by’intambara n’abasirikare bafite intwaro ziremereye bakaba barunzwe ku mupaka w’u Burundi na Congo bavuga ko biteguye urugamba nk’uko umwe muri bo yabitangaje.
