Mugihe iminsi ikomeze kwicuma yegereza umunsi w’ubukwe bwa Ishimwe Clement na Butera Knowless, amakuru akomeje gucicika avugako itorero aba bombi basengeramo ryanze kuzabasezeranya kuko Knowless ashobora kuba atwite.
Knowless ni umwe mu bahanzikazi ndetse umuntu akaba atashidikanya kuvuga ko ari uwa mbere mu bavuzweho cyane gutwara inda mbere yo kurushinga.
Mu minsi yashize ubwo Knowless yamurikaga album ye mu karere ka Ruhango,nibwo bimwe mu binyamakuru byongeye gutangazako yaba atwite ndetse bikanashyira hanze amwe mu mafoto y’igitaramo cyashyize akamenyeto ku gice cy’inda mu rwego rwo kwerekana koko ko atwite.
Mukiganiro twagiranye na Ishimwe Clement kuri telefone muri iki gitondo cyo kuwa 28 Nyakanga 2016, yagiranye n’itangazamakuru ubwo ryamubazaga ukuri kubijyanye n’amakuru ari guhwihwiswa,Clement yavuze ko nta kuri na guke kurimo.
Ishimwe Clement ati:”Ibyo byuko Knowless atwite no kuba abadivantiste baranze kuzadusezeranya kandi ariho dusengera,ibyo ntaho bihuriye n’ukuri. akomeza agira ati uko twabiteguye niko bizagenda”.
Ubwo umunyamakuru yashakaga kumenya neza ukuri kujyanye n’aho aba bombi bazasezeranira,Clement yemeje ko ntagushidikanya,bazasezeranira imbere y’Imana mu itorero ry’abandivantiste b’umunsi wa karindwi kuko ari naho aba bombi basanzwe basengera.
Ishimwe Clement na Butera Knowless
