Dream Boys yegukanye irushanwa rya Primus (PGGSS7)

Irushanwa rya Primus Guma Guma Superstar ku nshuro ya karindwi ryegukanywe n’itsinda rya Dream Boys.

Ni irushanwa ryari rimaze iminsi ribera mu Rwanda ryasojwe mu ijoro ryo kuri uyu wa Gatandatu tariki ya 24 Kamena 2017 kuri Sitade Amahoro i Remera ryegukanwa n’itsinda rya Dream Boys rigizwe na TMC na Platini.

Dream Boys nyuma yo kuba aba mbere (Ifoto-Igihe)

Aba bahanzi kwegukana uyu mwanya wa mbere byabahesheje igihembo gihwanye na miliyoni 24 z’amafaranga y’u Rwanda.

Abagize Dream Boys basusurutsa abitabiriye igitaramo

Aba bahanzi kuba babaye aba mbere si ibintu bitunguranye kuko bafite uburambe muri aya marushanwa ategurwa n’isosiyete ya East African Promoters ku nkunga ya BRALIRWA binyuze mu kinyobwa cya Primus.

Uko aba bahanzi bakurikiranye uko ari icumi

1. Dream Boys

2. Christopher

Christopher wegukanye umwanya wa kabiri (Ifoto-Umuseke)

3. Bull Dogg

4. Mico The Best

5. Queen Cha

6. Oda Paccy

7. Social Mula

8. Active

9. Danny Nanone

10. Davis D.