Umutoza mukuru w’ikipe g’igihugu y’u Rwanda, Amavubi, Adel Amrouche, yatangaje urutonde rw’agateganyo rw’abakinnyi 27 bazifashishwa mu gushaka itike y’Igikombe cy’Isi cya 2026.
Amavubi yitegura gukina umunsi wa 9 n’uwa 10 wo gushaka itike y’imikino ya nyuma y’igikombe cy’Isi, azakira ikipe y’igihugu ya Benin tariki ya 10 ukwakira 2025 nyuma izasoreze ku mukino izasuramo Afurika y’Epfo tariki ya 13 Ukwakira 2025.
Mu bakinnyi bahamagawe hagaragayemo Joy-Lance Mickels, ukinira Sabah FK yo muri Azerbaijan.
Lance w’imyaka 31 yakuriye muri Borussia Mönchengladbach ariko ntiyigeze akina umukino n’umwe wa Bundesliga.
Ni umukinnyi ukina asatira anyuze ku ruhande, akaba yaritwaye neza ubwo yatsindaga ibitego bitatu mu mukino wa Europa League bakina na Celse yo muri Slovenia mu ijonjora ry’ibanze.
Abakinnyi bahamagawe
Abazamu: Ntwari Fiacre (Kaizer Chiefs), Buhake Clément Twizere (Ullensaker/Kisa), Ishimwe Pierre (APR FC).
Ba myugariro: Mutsinzi Ange (Zira FC), Manzi Thierry (Al Ahly Tripoli), Kavita Phanuel Mabaya (Bermingham Legion FC), Byiringiro Jean Gilbert (APR FC), Niyomugabo Claude (APR FC), Nkurikiyimana Darryl Ngajijimana (Standard de Liège), Nshimiyimana Emmanuel (Rayon Sports FC), Nshimiyimana Yunusu (APR FC).
Abakina hagati: Bizimana Djihad (Al Ahly Tripoli), Mugisha Bonheur (Al Masry), Muhire Kevin (Jamus FC), Ruboneka Jean Bosco (APR FC), Hamon Aly-Enzo (Angoulême CFC), Ishimwe Anicet (Olympique Béja).
Ba rutahizamu: Mugisha Gilbert (APR FC), Kwizera Jojea (Rhode Island), Nshuti Innocent (Espérance Sportive de Zarzis), Biramahire Abedy (ES Sétif), Gitego Arthur (FUS Rabat), Joy-Lance Mickels (Sabah FK).
Kugeza ubu, Amavubi ari ku mwanya wa kane n’amanota 11, anganya na Nigeria iri ku mwanya wa gatatu.
Imikino ibiri iri imbere izaba ari ingenzi cyane ku kuyitsinda ku Rwanda kugira ngo rukomeze guhatanira itike yo kwerekeza muri FIFA World Cup 2026.
Uko itsinda rihagaze
1. Benin – 14 pts (+4)
2. South Africa – 14 pts (+3)
3. Nigeria – 11 pts (+2)
4. Rwanda – 11 pts (0)
5. Lesotho – 9 pts
6. Zimbabwe – 4 pts
