Amakuru ava mu karere ka Huye aravuga ko Alexandre Kayiranga wari umukozi w’Akarere ushinzwe procurement , ibyo gutanga amasoko mu Karere, yitabye imana aguye mu mpanuka ikomeye yabaye mu rukerera rw’irijoro ryakeye tariki ya 3 Kanama 2016 .
Iyi mpanuka yabereye ku muhanda Kibirizi -Gisagara- Huye , aho uyu mukozi bivugwa ko yari avuye mu kazi yerekeza i Huye, akaza gukora impanuka ikomeye yanamuhitanye.
Amakuru Rushyashya yabashije kumenya n’uko ngo yaba yabanje gukwepa ikinogo imodoka irenga umuhanda iribirindura.
Ibi byabaye igicuku kinishye kuburyo amakuru y’impanuka ye yamenyekanye ahagana saa cyenda sa kumi za mugitondo.
Kayiranga yize mu Iseminali nyuma aza kuba umufurere, akaba yararokotse Jenoside yakorewe Abatutsi 1994 i Butare.
Umurambo wa Nyakwigendera Kayiranga uzashyingura ejo. Imana imuhe iruhuko ridashira.
