Ubuyobozi bw’ikipe ya As Kigali bwamaze gutangaza ko bwatize umukinnyi wayo Kayitaba Jean Bosco mu ikipe ya Police, uyu mukinnyi akaba agiye gukinayo igice cya kabiri cy’imikino yo kwishyura muri shampiyona y’u Rwanda.
Binyujijwe ku rubuga twa Twitter rwa As Kigali niho batangarije ko uyu mukinnyi agiye gutizwayo, bagize bati “Umukinnyi wacu ikona asatira aciye ku ruhande yatijwe muri Police FC mugihe cy’amezi atandatu ari imbere”.
Kayitaba Jean Bosco yerekeje mu ikipe ya Police nyuma y’imyaka ibiri yari amaze mu ikipe y’umujyi wa Kigali iheruka gusoza igice kibanza cy’imikino ya shampiyona y’u Rwanda 2022-2023 iri ku mwanya wa mbere.
Bosco agiye muri Police FC nyuma yo kunyura mu makipe atandukanye arimo Gasogi United na Kabagari FC.
Muri iyi kipe itozwa na Mashami Vincent, Kayitaba asanze Police FC yarasoje ku mwanya wa 11 n’amanota 21 mu mikino 15 ibanza ya shampiyona y’u Rwanda.
