Umusore wo mu Kagari ka Kagugu, Umurenge wa Kinyinya arakekwaho kwica mugenzi we babanaga witwa Hakorimana Gad w’imyaka 25, umurambo we akawujugunya mu bwiherero.
Aya makuru y’uko uyu yishe mugenzi we bakoraga akazi kamwe ko gucukura umucanga, yamenyekanye mu gitondo cyo ku wa Mbere tariki 23 Nyakanga 2018, abaturage bahita bayabwira inzego z’umutekano
Abatuye muri aka gace, bavuga ko aba basore bagiranye amakimbirane ashingiye ku mafaranga, aho uyu ukekwa yashinjaga mugenzi we ko yamwibye, ku buryo.
Umuvugizi w’Urwego rw’Ubugenzacyaha (RIB), Mbabazi Modeste, yabwiye IGIHE, ko uyu musore ukekwaho gukora ubu bwicanyi yamaze gutaba muri yombi.
Yagize ati “Yarafashwe ashyikirizwa urwego rw’ubugenzacyaha, narwo rwatangiye gukora akazi karwo.”
Ingingo ya 140 mu gitabo cy’amategeko ahana ibyaha mu Rwanda ivuga ko kwica umuntu ubigambiriye ari icyaha cy’Ubwicanyi, gihanishwa igifungo cya burundu.
