• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»Amakuru»Kuri Ingabire Victoire, amahoro mu Rwanda no mu karere azazanwa no guha ubutegetsi Abajenosideri ba FDLR

Kuri Ingabire Victoire, amahoro mu Rwanda no mu karere azazanwa no guha ubutegetsi Abajenosideri ba FDLR

Ubwanditsi 14 Nov 2022 Amakuru, INKURU NYAMUKURU, Mu Mahanga

Kuwa gatandatu, tariki 12 Ugushyingo 2022, i Buruseli mu Bubiligi, abayoboke ba Ingabire Victoire bibumbiye mu kiryabarezi FDU-Inkingi, bongeye kwikirigita baraseka ngo barizihiza umunsi wahariwe Ingabire Victoire, ”Ingabire Day”. Nk’uko bisanzwe amagambo yahavugiwe ni ayo guhakana no gupfobya Jenoside yakorewe Abatutsi, kugoreka amateka no gusebya ubuyobozi bw’uRwanda.

Muri videwo yoherereje izo mburamukoro zibarirwa ku mitwe y’intoki, Ingabire Victoire yongeye kugaragaza uwo ari we, yiyemerera ko ashyikikiye imitwe y’abagizi ba nabi, igambiriye kumena amaraso mu Rwanda.

Muri ayo mahomvu ye yagize ati:”Niba Leta y’u Rwanda itagiranye ibiganiro n’imitwe yitwaje intwaro n’itazitwaje, ikorera mu Burasirazuba bwa Kongo no mu bindi bihugu, ishaka guhirika ubutegetsi, nta mahoro aka karere kazigera kagira”. Aha twibuke ko umwe mu mitwe yitwaje intwaro ifite indiri mu Burasirazuba bwa Kongo, ni FDLR igizwe n’abajenosideri n’abana babo bonse ingengabitekerezo ya Jenoside. 

Kuba Ingabire Victoire yasabira FDLR gushyikirana na Leta y’u Rwanda  ubwabyo nta gitunguranye kirimo, kuko ari nko kwisabira. FDLR ikomoka kuri RDR, umutwe washinzwe ukanayoborwa n’abarimo Ingabire Victoire. Ishyaka rya Ingabire Victoire kandi, FDU-Inkingi, ni umufatanyabikorwa wa FDLR, dore ko, nk’uko twabigaragaje mu nyandiko zacu nyinshi, buri kwezi rikusanya ibyo abayoboke baryo bise”ingemu ya Ingabire Victoire”, ikindi gice cy’ayo mafaranga kikoherezwa muri FDLR.

Ingabire Victore nawe yunga mu ry’ Abanyekongo bashinja uRwanda kuba intandaro y’ibibazo byabo. Uretse guhuragura ibigambo bitagira ikimenyetso na kimwe, kuki Ingabire n’abo basangiye imyumvire ipfuye, batemera ko umutekano wa Kongo watangiye kuba mubi kuva mu mwaka w’1994, ubwo igihiriri cy’Abanyarwanda biganjemo abajenosideri cyahungiraga muri icyo gihugu? Raporo zivuga uburyo FDLR yica abaturage ba Kongo, igasambanya abagore ku ngufu, igasahura imitungo yabo, harya nabyo byabazwa ubuyobozi bw’uRwanda?

Niba umuryango mpuzamahanga uhuriza ku ngingo y’uko ibibazo bya Kongo bishingiye ahanini ku miyoborere mibi, nk’uko uwari uhagarariye Ubwongereza muri icyo gihugu, Madamu Sophia Willitts yabivugaga ubwo yari ashoje ikivi cye mu minsi mike ishize, kuki Ingabire Victoire abyirengagiza uwo mutwaro akawugereka ku Gihugu cyamubyaye? Ba bangamwabo baracyari benshi.

Umuryango mpuzamahanga ugira Leta ya Kongo inama yo gushyikirana n’imitwe iyirwanya kuko wamaze kumva ko iyo mitwe ifite icyo irwanira. Bitandukanye na FDLR, yo ahubwo ibite ibyo igomba kuryozwa mu mategeko, kubera amahano abayoboke bawo bakoze, haba mu Rwanda, haba no muri Kongo.

 Dufashe urugero rwa M23, uyu mutwe ugaragaza ko urwanira uburenganzira bw’Abanyekongo bavuga ikinyarwanda. Imvugo zibiba urwango, gutoza urubyiruko kwica, ibyo twagereranya n’Interahamwe zo mu Rwanda,  byose ni ibimenyetso simusiga byerekana ko hari Jenoside yateguriwe gutsemba abo Banyekongo, cyane cyane abo mu beoko bw’abatutsi. Muri ayo manjwe ye ngo ni ijambo, Ingabire ntiyigeze yamagana iyo myitwarire ya Leta ya Kongo, ahubwo byose abishinja u Rwanda. 

Ese iyo Ingabire Victoire agereranya uburenganzira bw’umutwe w’abajenosideri wa FDLR, n’ubwa M23 iharanira guhagarika jenoside, si bya bindi by’Interahamwe-mpuzamugambi byo gufata uwishe ukamugira uwiciwe, naho uwiciwe ukamugira umwicanyi? 

Ingabire Victoire reka gukomeza gutoneka ibikomere by’abo so, nyoko na  basaza bawe bagize imfubyi n’abapfakazi. Niba wumva amahoro mu Rwanda no mu karere azazanwa no gushyira ubutegetsi mu biganza by’ ibinywamaraso, subiza amerwe mu isaho. Imbaraga zabwambuye MRND/CDR yanyu ntaho zagiye, ahubwo zikubye inshuro nyinshi.

2022-11-14
Ubwanditsi

IZINDI NKURU

Museveni aherutse guhura n’Abanyarwanda “Nakasero State House ” ababwira ko u Rwanda aricyo ikibazo

Museveni aherutse guhura n’Abanyarwanda “Nakasero State House ” ababwira ko u Rwanda aricyo ikibazo

Ubwanditsi 23 Oct 2018
Menya neza Rusagara Ignace, bihemu washize isoni mu guhemuka, inzererezi yahisemo gusebya Igihugu cyamubyaye ahabwa karibu mubandi ba bihemu bibumbiye muri RNC

Menya neza Rusagara Ignace, bihemu washize isoni mu guhemuka, inzererezi yahisemo gusebya Igihugu cyamubyaye ahabwa karibu mubandi ba bihemu bibumbiye muri RNC

Ubwanditsi 25 Jul 2020
Musanze : Perezida Kagame yifuje ko habaho no Kwita Izina abana b’ Intare

Musanze : Perezida Kagame yifuje ko habaho no Kwita Izina abana b’ Intare

Ubwanditsi 02 Sep 2016
Ibyaranze ijoro Lionel Messi yaherewemo Ballon d’Or ya 8, Amateka ashobora kutazakorwa n’undi wese muri Ruhago

Ibyaranze ijoro Lionel Messi yaherewemo Ballon d’Or ya 8, Amateka ashobora kutazakorwa n’undi wese muri Ruhago

Ubwanditsi 31 Oct 2023

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Burundi : Umunyarwanda Jacques Bihozagara  yaguye muri gereza ya Mpimba
Mu Rwanda

Burundi : Umunyarwanda Jacques Bihozagara yaguye muri gereza ya Mpimba

Ubwanditsi 01 Apr 2016
Padiri Nahimana akomeje kwiba impunzi akoresheje numero za Compte
ITOHOZA

Padiri Nahimana akomeje kwiba impunzi akoresheje numero za Compte

Ubwanditsi 31 Oct 2016
Patriots BBC yatsinze APR BBC mu mukino wa mbere wa Kamarampaka wa Bet Pawa Playoffs 2024
Amakuru

Patriots BBC yatsinze APR BBC mu mukino wa mbere wa Kamarampaka wa Bet Pawa Playoffs 2024

Ubwanditsi 12 Sep 2024

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru