Muyango Claudine wahataniye ikamba rya nyampiga w’u Rwanda mu mwaka wa 2019 akaza no kwegukana ikamba ry’umukobwa uzi kwifotoza yemereye umunyezamu w’ikipe y’igihugu y’u Rwanda Amavubi ndetse n’ikipe ya Kiyovu SC Kimenyi Yves kumubera umugore.
Uyu mwali akaba yemereye Yves Kimenyi kumubera umugore kuri iki cyumweru tariki ya 28 Gashyantare 2021, mu muhango waraye ubereye mu mujyi wa Kigali.
Urukundo rwaba bombi rukaba rwaragiye ahagaragara mu mpera z’umwaka wa 2019 nyuma yaho umukinnyi Kimenyi Yves yari yatandukanye n’uwo bari basanzwe bakundana witwa Didy D’or.
Nubwo hataramenyekana igihe nyacyo aba bombi bazakorera ubukwe bakabana nk’umugabo n’umugore biravugwa ko ntagihe kirekire kizacamo ngo Nyampinga Muyango ndetse n’umukinnyi Kimenyi Yves ngo babane mu buryo bwemewe n’amategeko ndetse n’umuryango.
