Kuri uyu wa Kane nibwo ikipe y’ingabo z’igihugu ya APR FC yatsinze umukino wayo wa Kabiri muri shampiyona, ni umukino yatsinzemo Vision FC.
Muri uyu mukino wari witabiriwe n’abarimo umugaba mukuru w’Ingabo, Gen Mubarakh Muganga, APR FC yabonye ibitego bibiri bya tsinzwe na. Mamdou Sy kuri Penalti.
Gutsinda uyu mukino w’umunsi wa cyenda wa Shampiyona y’u Rwanda wabereye kuri Kigali Pele Stadium, byatumye APR FC igera ku mwanya wa 13 n’amanota 7 ivuye ku mwanya wa 15 yari iriho.
Nubwo APR FC yabonye intsinzi, iyi kipe yaje muri uyu mukino imaze imnsi ivugwamo amakuru menshi, harimo ko yatewe mpaga ku mukino yanganyijemo 0-0 na Gorilla kubera gukinisha umubare utemewe w’abanyamahanga.
Ni nako kandi hari amakuru avuga ubwo uyu mukino wari ugiye gukinwa ari bwo byamenyekanye ko uwari Chairman wayo Col (Rtd) Richard Karasira yatandukanye na yo.
Kuri ubu bari amakuru avuga ko RTD Col Richard Karasira yamaze gusimburwa kuri uyu mwanya na Brig Gen Rusanganwa Deo.
Nyuma kandi yaho uwari Team Manager wa APR FC atakiri kuri izi nshinganp, Ntazinda Eric yasimbuwe na Major Kavuna wahise anatangira imirimo.
Iyi kipe izasubira mu kibuga kuri ki cyumweru ihura na Rutsiro ku kibuga yakiniragaho, ni mu mukino w’ikirarane cy’umunsi wa mbere wa Shampiyona.
Uko imikino y’umunsi wa 9 yagenze:
Kiyovu SC 3-4 Gasogi United
Muhazi United 3-0 Amagaju FC
Etincelles FC 0-0 Rutsiro FC
AS Kigali 1-2 Marine FC
Musanze FC 0-1 Rayon Sports
Bugesera FC 0-0 Gorilla FC
Mukura VS 2-0 Police FC
APR FC 2-0 Vision FC
