Mukuru wa Gérard Niyomugabo wo murubanza rwa Kizito nawe yafashe iy’ishyamba

Herman Nsengimana, umuvandimwe wa Gérard Niyomugabo nawe yafashe iyi shyamba nyuma yaho murumunawe  aburiwe irengero kuva muri Mata 2014, akaba yari mu mugambi wo kugirira nabi ubutegetsi buriho hamwe na bagenzi  be barimo Kizito Mihigo, Jean Paul Dukuzumuremyi na Cassien Ntamuhanga baje gutabwa  muri yombi.

Kugeza ubu nta gakuru ka Gerard Niyomugabo n’ubwo mukuru we Herman Nsengimana atunga agatoki bamwe mu bashinzwe umutekano, Kizito we ubu ari mu rukiko aho azakomeza kuburana mu bujurire we na Jean Paul Dukuzumuremyi mu gihe Cassien Ntamuhanga , yatorotse gereza .

Amakuru ari mubinyamakuru bikorera mu buhungiro  aravuga ko ubu Herman Nsengimana yafashe iy’ishyamba aho abarizwa mu mutwe witwa Muvoma Nyarwanda iharanira impinduramatwara, Rwandese Revolutionary Movement ( RRM) uyobowe na Nsabimana Callixte uzi kw’izina rya Sankara wahoze muri RNC ya Kayumba Nyamwasa akaza kuyivamo avuga ko Kayumba ari igisambo yikubira imisanzu yose ntabahe.

Baca umugani mu kinyarwanda ngo ” Rubanda ishyuha nabi”  uyu  Herman Nsengimana wahoze ari umwarimu hano mu Rwanda ngo yagiye mu nyeshyamba zigamije gukuraho ubuyobozi mu Rwanda.

Herman niba ushaka kumenya neza urugamba dore ko nta nurwo wiyiziye uzabaze ingabo za FDLR ibyazibayeho zizaguha ubuhamya,  kuko ndabizi zifite ubahamya bugahije.

Uyu mutwe wa Sankara, mu minsi ishize wishyize hamwe n’indi mitwe ariyo ishyaka PDR-Ihumure ya Paul Rusesabagina ndetse na CNRD-Ubwiyunge ya Gen Wilson Irategeka bibyara Umuryango Nyarwanda Uharanira Impinduka muri Demokarasi, MRCD.