Amakuru aturuka mu Karere ka Musanze mu Majyaruguru y’u Rwanda aremeza urupfu rw’umuyobozi wa Sitasiyo ya Polisi ya Busogo wishwe arashwe mu gitondo cyo kuri uyu wa Kane.
CIP Mugabo Jean Bosco yivuganwe n’umupolisi yayoboraga ku mpamvu zitaramenyekana.
Umuvugizi wa Polisi mu Ntara y’Amajyaruguru IP Gasasira Innocent aravuga ko CIP Mugabo yapfuye arashwe koko, ariko ntagire ikindi atangaza.
Hari amakuru avuga ko uwishe CIP Mugabo yahise yifungirana mu nzu abasirikari n’abapolisi bakayigota; ntiturabasha kumenya icyakurikiyeho.
Hari andi makuru avuga ko nyuma yo kurasa umuyobozi we, uwo mupolisi na we yahise yirasira muri iyo nzu yifungiranyemo.
Umwanditsi wacu
