Manchester City ifite Igikombe cya Shampiyona y’u Bwongereza (Premier League 2017/2018) izatangira iy’umwaka utaha wa 2018/2019 icakirana na Arsenal iheruka kubona umutoza nyuma y’ingoma y’imyaka 22 y’Umufaransa Arsène Wenger.
Premier League izatangira gukinwa ku wa 11 Kanama 2018, isozwe ku wa 12 Gicurasi 2019.
Arsenal iheruka gusinyana ubufatanye n’u Rwanda mu kurufasha kumenyekanisha ubukerarugendo, ifite akazi gakomeye kuko Umutoza wayo mushya Unai Emery azisobanura i Emirates na Manchester City mbere yo gusura Chelsea kuri Stamford Bridge mu mikino ye ya mbere.
Umukino wa mbere uzahuza Arsenal na Manchester City urerekana icyemezo cya Premier League itari isanzwe ihuza amakipe yasoje mu myanya itandatu ya mbere ku munsi wa mbere cyangwa uwa nyuma wa shampiyona.
Nyuma y’iyi mikino Arsenal izongera guhura na Liverpool itozwa na Jurgen Klopp iri mu makipe yasoje mu myanya itandatu ku wa 3 Ugushyingo 2018.
Mu yindi mikino kandi Manchester United ya Jose Mourinho izakira Leicester, Chelsea izatangira shampiyona isura Huddersfield, Liverpool na West Ham mu gihe Tottenham izasura Newcastle.
Mu mikino izahuza abakeba, uwa Manchester City na Manchester United uteganyijwe Etihad ku wa 10 Ugushyingo 2018 mu gihe uwo kwishyura uzabera Old Trafford ku wa 16 Werurwe 2019.
Mu ihuza amakipe yo mu Majyaruguru ya Londres, Arsenal izakira Tottenham ku wa 1 Ukuboza 2018, uwo kwishyura ukinwe ku wa 2 Werurwe 2019 kuri White Hart Lane.
Mu yindi mikino yitezwe harimo uwa Tottenham izaba yakirira Liverpool ku kibuga cyayo White Hart Lane (kimaze umwaka kiri gusanwa) ku wa 15 Nzeri 2018 nyuma y’imikino mpuzamahanga y’ibihugu.
Imikino y’Umunsi wa Mbere wa Shampiyona y’u Bwongereza 2018/2019
Arsenal vs Manchester City
Bournemouth vs Cardiff
Fulham vs Crystal Palace
Huddersfield vs Chelsea
Liverpool vs West Ham
Manchester United vs Leicester
Newcastle vs Tottenham
Southampton vs Burnley
Watford vs Brighton
Wolves vs Everton
Kanda hano urebe imikino yose ya Shampiyona y’u Bwongereza:
