Ishyaka rya PSD muri kongere yaryo idasanzwe, rimaze kwemeza ko Perezida Kagame ari we mukandida rizatanga mu matora y’umukuru w’igihugu yegereje.
Mu myanzuro handitsemo ko Perezida Kagame ari we iri shyaka rizatanga, bisobanuye ko ari we rizashyigikira, nta murwanashyaka wa PSD uziyamamaza mu izina ry’ishyaka.
Muri iyo kongere iyobowe na Perezida w’iri shyaka, Vincent Biruta, nta muntu n’umwe wagaragaje ko adashyigikiye ko iri shyaka rishyigikira Perezida Kagame. Uyu mwanzuro uvuga ku mukandida uzaharagarira PSD muri aya matora, ugaruka ku byifuzo byatanzwe n’abaturage bifuje ko Itegeko Nshinga ryo muri 2003 ryavugururwa kugira ngo rikureho imbogamizi zashoboraga kubuza Perezida Paul Kagame kuziyamamaza muri aya matora ya 2017.
Dr. Vincent Biruta Perezida wa PSD
Gushyigikira Perezida Kagame ngo bishingiye ku miyoborere ye myiza, ndetse mu mwaka wa 2015 abarwanashyaka ba PSD akaba ari bamwe mu basabye ko Itegeko Nshinga rivugururwa ngo Perezida Kagame yemererwe kongera kwiyamamaza.
