Kuri uyu wa gatatu tariki ya 8 Kanama 2018, ishyaka riri ku butegetsi muri Congo Kinshasa ryatangaje umukandida waryo mu matora y’umukuru w’igihugu azaba mu Ukuboza, uyu ni Emmanuel Ramazani Shadary nk’uko byatangajwe na Minisitiri w’itangazamakuru Lambert Mende.
Ramazani Shadary w’imyaka 57 wahoze ari Minisitiri w’ubutegetsi bw’igihugu wanayoboye Intara ya Maniema ubu akaba yari umudepite niwe ishyaka ryatanze nk’uwasimbura Kabika ishyaka ryabo ritsinze amatora.
Abakurikiranira hafi ibibera muri Congo bari biteze ikiva munama yaraye ibereye muri Farm ya Joseph Kabila, iherereye Kingakati kuri km 80 uvuye i Kinshasa yarimo inkoramutima ze zahafi , bikaba byakekwaga ko Perezida Joseph Kabila ishyaka rye ryongera kumutanga nk’umukandida , ariko birangira hatanzwe undi.
Kabila ubu agiye kuva ku butegetsi yari ariho kuva mu 2001, Itegeko Nshinga rya Congo ntiryamwemereraga manda ya gatatu nyuma yo kurangiza ebyiri yari yemerewe.
