Ku mugoroba wo kuri uyu wa kabiri tariki ya 4 Nyakanga 2023 nibwo ikipe ga Rayon Sports yatangaje ko yagiranye amasezerano naba myugariro Serumogo Ally Omar na Mitima Isaac.
Gusinya kw’a aba bakinnyi bombi kubaye nyuma yaho ikipe ya Kiyovu SC yari isanzwe ifite myugariro w’inyuma iburyo, Serumogo Ally Omar atandukanye n’Urucaca.
Serumogo watandukanye na Kiyovu SC habayeho gusesa amasezerano yari afitanye na Kiyovu SC, Gikundiro yahise imufata imuha amasezerano azamugeza mu mwaka wa 2025 akinira Rayon Sports.
Kuri myugariro Mitima Isaac we wari usoje amasezerano muri Rayon Sports yahisemo kugumana n’iyi kipe kuko yashimye umusaruro yagiranye n’ikipe bityo yemera ko azageza mu mwaka wa 2025 akinira Gikundiro.
Aba bakinnyi bakina bugarira ndetse banakinira Amavubi, basinyiye Rayon Sports nyuma yaho basinyishije Simon Tamale nk’umukinnyi wa mbere wa Gikundiro yinjije mu ikipe.
Rayon Sports iritegura gukina imikino mpuzamahanga ya CAF Confederation Cup ndetse n’imikino ya shampiyona y’u Rwanda 2023-2024.
