Mu gitondo cyo kuri uyu wa gatanu, tariki ya 1 Mata 2022 ku kicaro cy’ishyirahamwe ry’umupira w’amaguru mu Rwanda FERWAFA, habereye umuhango wa tombola y’uko amakipe azahura mu mikino ya 1/8 cy’irangiza iteganyijwe gutangira tariki ya 4 Mata.
Muri uyu muhango witabiriwe n’abanyamuryango b’Amakipe yageze muri kimwe cya munani cy’irangiza bahuriye i Remera mu rwego rwo kumenya uko amakipe azahura ahatanira igikombe kuri ubu gifitwe n’ikipe ya AS Kigali.
Iki gikombe cy’Amahoro kigiye gukinwa nyuma y’imyaka itatu kitabaho kuko guhera mu mwaka wa 2020, kitigezwe gikinwa kubera ko hari ubwandu bw’icyorezo cya Koronavirusi cyatumye amarushanwa amwe n’amwe adakinwa.
Ikipe itwaye igikombe cy’Amahoro mu Rwanda isohokera igihugu mu marushanwa Nyafurika ahuza amakipe yatwaye ibikombe iwayo, ni amarushanwa azwi nka CAF Confederations Cup.
Biteganyijwe ko amakipe azatangira gukina imikino ibanza ya 1/8 cy’irangiza, uhereye kuri uyu wa mbere tariki ya 4 Mata naho iyo kwishyura izakinwe kuya 19 Mata 2022.
Uko amakipe yatomboranye mu mikino ya 1/8 cy’Irangiza:
– Musanze vs Rayon Sports
– Etincelles FC v AS Kigali
– Etoile de l’Est v Mukura
– Marine FC v Kiyovu Sports
– Amagaju FC v APR FC
– La Jeunesse v Police FC
– Gasogi United v Sunrise
– Gicumbi FC v Bugesera FC
