U Rwanda rwifatanyije na Afurika mu kwizihiza umunsi wo kwibohora kwayo

Kuri uyu wa Kane tariki ya 25 Gicurasi 2017, u Rwanda rwifatanije na Afurika yose mu Kwizihiza, umunsi ngarukamwaka wahariwe ukwibohora kwa Afurika.

Uyu munsi wizihirijwe muri Camp Kigali, wari ufite insanganyamatsiko igira iti” Uruhare rw’itangazamakuru mu gutegurira urubyiruko guharanira kubohora Afurika byuzuye.”

Uyu Munsi witabiriwe n’urubyiruko rwaturutse mu mashuri yisumbuye na za Kaminuza, witabirwa n’abanyamakuru batorejwe mu itorero Impamyabigwi icyiciro cya Kabiri.

Witabiriwe kandi n’abayobozi batandukanye b’igihugu barimo abahagarariye umuryango w’Impirimbanyi z’Ukwibohora kwa Afurika.(Panafrican Movement Rwanda).

Uyu munsi wabimburiwe n’imurika ry’ibikorwa bitandukanye birimo
iby’ibitangazamakuru bikorera mu Rwanda, ndetse n’ibikorwa bitandukanye bikorerwa mu Rwanda birimo imyenda, inkweto, imitako ndetse n’ibikorwa by’ubugeni bitandukanye.

Hanabayemo ikiganiro cyatanzwe n’inararibonye zitandukanye mu itangazamakuru zaganiraga ku ruhare rw’itangazamakuru mu kwibohora k’u Rwanda ndetse na Afurika muri rusange gitangwamo ibitekerezo bizafasha mu gufasha u Rwanda kwibohora byuzuye ndetse na Afurika muri rusange.

Abayobozi bakuru bari bitabiriye uyu muhango