Itsinda ry’abashizwe umutekano muri Uganda ryabashije kurokora umukerarugendo w’umunyamerika, Kimbley Sue Endecott, n’umwe mu bayobora ba mukerarugendo we, Jean Paul Mirenge kuri uyu 07 Mata 2019. Abo bombi bakaba bari barashimutiwe muri pariki yitiriwe Umwamikazi Elazabeth mu majyepfo ashyira uburengerazuba.
Iyi nkuru dukesha Chimpreports ivuga ko umwe mu bashizwe umutekano wabahaye amakuru utifuje kumenyekana yavuze ko abo bombi babasanze muri pariki barimo kugenda n’amaguru.
Umuvugizi wa police muri Uganda, Fred Enanga yavuze ko kuri iki cyumweru urwego rwa police n’izindi nzego zishizwe umutekano, zabashije kurokora Kimberley aba babiri bari bashimutiwe muri pariki batunzwe imbunda ku wa 2 Mata 2019, Ubwo barimo gutembera nimugoroba muri iyi pariki.
Yongereyeho ko abo bombi ari bazima kand bameze neza bakaba bari mu maboko y’inzego zishinzwe umutekano.
Nku’uko iyi nkuru ikomeza ibivuga, ba rushimusi barekuye uyu mukerarugendo kubera igitutu cy’inzego z’umutekano. Itsinda ryo gushakisha uyu mukerarugendo ryari rigizwe n’abasirikare basazwe n’abadasazwe(Special Force) n’Abapolisi.
Leta ya Uganda yari yafunze uduce tumwe na tumwe tw’imipaka duyihuza na Repubulika Iharanira Demukarasi ya Congo kugira ngo ba rushimusi badatorokera muri Congo.
Ikigo gitwara ba mukerarugendo, Wild Fronntiers Uganda, gikoresha Mirenge, cyemeje ko hatanzwe 500,000$, asaga miliyoni 445 z’amafaranga y’u Rwanda kugira ngo barekurwe ari bazima.
