Major General (Rtd) Mugisha Muntu yasezeye mu ishyaka FDC ribarizwamo umunyapolitiki Dr Kiiza Besigye nk’uko byatangajwe kuri uyu wa Kabiri, itariki 25 Nzeri. Biravugwa ko Muntu agiye gushinga irindi shyaka rizabasha gushishikariza urungano rushya kuzahatanira ubutegetsi mu matora ataha.
Mugisha Muntu yahise atumiza inama n’abanyamakuru kuri uyu wa kane I Kampala, aho agomba kubagezaho mu buryo burambuye icyemezo yafashe na gahunda afite mu minsi iri imbere.
Mu gihe Mugisha Muntu asanga hari ibikwiye guhinduka mu ishyaka FDC, Dr Kiiza Besigye we asanga kwigomeka ku butegetsi no guhozaho imyigaragambyo bikwiye gushyirwa imbere mu guhindura ubutegetsi.
Mugisha avuga ko icyo bagomba guharanira Atari ugufata ubutegetsi gusa cyangwa kugira ijambo rikuru muri politiki ya Uganda, ahubwo bagomba no kugira impamo inzozi z’igihugu no kwigarurira icyizere cya rubanda.
Hagati aho, abashyigikiye Mugisha Muntu muri FDC nabo baravuga ko bazitandukanya n’iri shyaka.
Mu bamushyigikiye harimo Angeline Osege, Abdu Katuntu, Reagan Okumu, Winnie Kiiza, Kassiano Wadri n’abandi.
Mugisha Muntu akaba yasezeye mu ishyaka FDC (Forum for Democratic Change)ari we wari uribereye perezida kuva mu 2012.
