• Ahabanza
  • Abo Turibo
  • Twandikire

RUSHYASHYA

Kandaho
  • Home
  • AMAKURU
    • Mu Rwanda
    • Mu Mahanga
  • POLITIKI
  • ITOHOZA
  • UBUKUNGU
  • IKORANABUHANGA
  • IMIKINO
  • SHOWBIZ
  • HIRYA NO HINO
  • MULTIMEDIA
    • Videwo
Inkuru zigezweho
  • Macron: Kwaguka kwa OIF bidusaba kubaka ubwumvikane kugira ngo tubungabunge ubumwe   |   16 Nov 2026

  • Cambodia: Perezida Kagame na Madamu Jeannette Kagame bahageze, bakirwa n’abayobozi batandukanye   |   12 Nov 2026

  • Karuranga John Vianney wasabwe gutera Gerenade mu Rwanda yambitse ubusa Abagome ataha mu Rwanda   |   11 Nov 2026

  • Jenoside ikomeje kwambika ubusa Interahamwe: Teganya Jean Léonard Yoherejwe na Amerika mu Rwanda   |   10 Nov 2026

  • Ibigarasha byataye umutwe kubera Hotel ya Pasteur Bizimungu bibura ayo bicira n’ayo bimira   |   10 Nov 2026

  • AMAFOTO – Rutahizamu akaba na Kapiteni wa APR FC, Cheick Djibril Ouattara yongereye amasezerano y’imyaka ibiri   |   05 Nov 2026

 
You are at :Home»Amakuru»Mu Mahanga»Umuhamya w’Amateka: 7/1/1994, Kavaruganda yahuye na Booh-Booh, Abayobozi ba FAR bahura n’ab’Interahamwe

Umuhamya w’Amateka: 7/1/1994, Kavaruganda yahuye na Booh-Booh, Abayobozi ba FAR bahura n’ab’Interahamwe

Ubwanditsi 13 Apr 2016 Mu Mahanga

Na: Tom Ndahiro

Joseph Kavaruganda wari Perezida w’Urukiko rurinda ubusugire bw’itegeko nshinga na Agathe Uwilingiyimana wari Minisitiri w’Intebe, bombi bishwe ku itariki ya 7 Mata 1994.

Hari hashize iminsi 100 babwiye umuryango w’abibumbye ko nibadatabara ngo bambure abicanyi intwaro mu Rwanda hazacura imiborogo.

-2662.jpg

Agathe Uwiringiyimana

By’umwihariko Kavaruganda yabonanye na n’uwari ukuriye MINUAR Jacques Roger Booh-Booh mu nzu yari atuyemo hafi ya Hotel Umubano-Merdien. Ikiganiro bagiranye uwo munsi cyari icyo kwereka LONI ko gutinda gushyirwaho kw’inzego z’ubutegetsi bw’inzibacyuho bizagira ingaruka mbi ukurikije uko yabonaga ibintu mu gihugu icyo gihe.

-2663.jpg

MINUAR Jacques Roger Booh-Booh

Kavaruganda, kimwe n’abandi bayobozi bakuru bari mu rwego rwe, yari yarahawe abasirikare na MINUAR bamurinda. Ariko, ibyo ntabwo byamubujije kumva ko umutekano we ku giti cye ntacyo wamumarira.

-2661.jpg

Joseph Kavaruganda

Hari umunyamakuru Venuste Nshimiyimana wambwiye ko ingabo za MINUAR Kavaruganda atazishiraga amakenga kubera ko zitabashaga “kubuza urwaje”. Ngo yavugaga ko “ari nko kurindwa n’imishashara ihura n’izuba igashonga.” Ibyo yavugaga ntiyibeshye, Kavarugamda yishwe MINUAR yitwa ngo iramurinze.

Yabwiye Jacques Roger Booh-Booh, ko yarusimbutse kenshi, akagenda ashyira mu majwi abambari ba Prezida Habyarimana. Undi amusubiza ko nta bushobozi yari ifite bwo kureba niba ibyo avuga ari byo.

Icy’ingenzi muri icyo kiganiro ni uko Kavaruganda yabwiye umuyobozi wa MINUAR ko “iramutse yemeye kurinda umutekano we, ikamushyigikira”, muri Gashyantare 1994, yayobora umuhango wo kurahiza abaministiri n’abadepite batanzwe na Minisitiri w’intebe Agathe Uwilingiyimana afatanije na Twagiramungu Faustin wari kuyobora guverinoma y’inzibacyuho yaguye.

Muri uko kwezi, Perezida Habyarimana yari kuba yagiye muri Cote d’Ivoire mu muhango wo guhamba uwahoze ayobora icyo gihugu witwa Perezida Houphouet Boigny.

Impungenge uwo mucamamza yari afite zari zifite ishingiro kubera ko nta munsi wahitaga i Kigali hadaturitse nibura grenade 15.

Ikindi ni uko ku itariki ya 5 Mutarama, abayoboke ba b’ishyaka CDR bateye ambasaderi wa Tanzania, witwa Dorah Mbezi bamuziza ko ngo akabya gushyigikira amasezerano y’amahoro ya Arusha.

Iryo shyaka ryari ryaragaragaje ko ridashaka amahoro ya Arusha nkuko byanditswe mu kinyamakuru Kangura mu bitongero10 bise “IBYO NTIBINDEBA, JYE NDI UMUSEDERI”.

Byasohotse muri Kangura No 46, Nyakanga 1993 (p.14) na Kangura No 47 Kanama 1993 (p.5)

Icyo kinyamakuru cyayoborwaga na Hassan Ngeze wari mu buyobozi bukuru bwa CDR cyanditse kigira kiti:

Muhutu wishubije ibyawe muri 1959 inyenzi zikimara guhunga u Rwanda, bivemo dore inyenzi zaje kubisubiramo nk’uko amasezerano y’Arusha abivuga.

Muturage munyarwanda gira witegure gutegekeshwa ikiboko no gutanga imisoro yo gukiza inyenzi nk’uko amasezerano y’Arusha abiteganya.

Musirikari, ngabo y’u Rwanda tanga imbunda maze ushoke igishanga nk’uko amasezerano y’Arusha abivuga.

Mucuruzi w’u Rwanda, wowe wagowe itegure kongerwa imisoro kugira ngo guverinoma irimo inyenzi izabone uko yishyura imyenda zafashe zigura intwaro zo gutera rubanda nyamwinshi nk’uko amasezerano y’Arusha abivuga.

Minisitiri w’umuhutu, va mu murwa mukuru ujye gukorera i Byumba aho inkotanyi zishobora kuzagufata mpiri, nk’uko amasezerano y’Arusha abivuga.

Munyarwanda ugendera muri taxi, itegure gukomeza kuzuza imifuka y’inyenzi, dore bene wazo barazamura ibiciro ubutitsa by’amatagisi zitaraza, dore ziraje mirongo ine azikuba kane.

-2664.jpg

Ngeze Hassan wari umuyobozi wa Kangura

Mukozi wa Leta, tanga ibiro ubise inyenzi nk’uko amasezerano y’Arusha abivuga.
Bahutu mwese, mwitegure kuvurwa n’inyenzi zitareba inshinge zuzuye SIDA, dore ko amasezerano y’Arusha yazeguriye ubuzima.

Muhutu ugisinziriye, n’ubwo uzi ubwenge, witegure guhitanwa n’inyenzi nk’uko inyenzi Museveni yabigenje muri Uganda.

Nzirakarengane, mwitegure kubuzwa epfo na ruguru nk’uko amasezerano y’Arusha abiteganya.

Twibutse ko bitari ubwa mbere cyangwa ubwa kabiri abasederi n’ababashyigikiye bavuga ko badashaka amahoro. Na Perezida Juvenal Habyarimana ubwe ku itariki ya 15 Ugushyingo 1992 yivugiye ko amasezerano y’amahoro ya Arusha ari ibipapuro kandi ko yiteguye kuzamanukana n’Interahamwe ze.

Kandi koko Interahamwe zamanukiye ku bantu n’ubwo Habyarimana atariho.

Iyo nama yahuje Kavaruganda na Booh-Booh iba, Romeo Dallaire yari yaraye asabye abamukuriye i New York kumwongerera ingabo kuko ngo yari afite impungenge z’uko mu Rwanda umutekano ushobora kudogera kurushaho biturutse mu Burundi.

Icyo Dallaire atari azi ni uko n’iby’i Burundi byenyegezwaga n’u Rwanda kandi ibyategurwaga byateye umutingito ku isi.

Kuri iyo tariki ya 7 Mutarama, hari habaye inama y’abayobozi b’ishyaka MRND aba gisirikare n’Interahamwe itegura gukora ibintu bikomeye.

Ibyo iyo nama yateguraga ni ibiki? Yarimo ba nde? Kuki umugambi wa Kavaruganda utashoboye gushyirwa mu bikorwa? Ni bande bakoze nkawe bakaburira LONI mbere ya jenoside?

Kurikira Umuhamya w’Amateka (Témoin de l’histoire) kuri blog: https://umuvugizi.wordpress.com/

2016-04-13
Ubwanditsi

IZINDI NKURU

Kwigerera mu Rwanda byahise bihindura byinshi ku mitekerereze ye

Kwigerera mu Rwanda byahise bihindura byinshi ku mitekerereze ye

Ubwanditsi 25 Oct 2016
Ba banyamahanga 4 bafatiwe mu Kiyaga cya Rweru binjiye mu Burundi bagaruwe mu Rwanda

Ba banyamahanga 4 bafatiwe mu Kiyaga cya Rweru binjiye mu Burundi bagaruwe mu Rwanda

Ubwanditsi 06 Nov 2018
Dore ukuri mutamenye ku ngemu Ingabire Victoire yohererezwa nk’umuyobozi wa FDU-Inkingi mu Rwanda

Dore ukuri mutamenye ku ngemu Ingabire Victoire yohererezwa nk’umuyobozi wa FDU-Inkingi mu Rwanda

Ubwanditsi 21 Oct 2022
Gasabo: Abafatanyabikorwa mu kubungabunga umutekano basabwe  gushyira imbaraga mu gukumira ibyaha

Gasabo: Abafatanyabikorwa mu kubungabunga umutekano basabwe gushyira imbaraga mu gukumira ibyaha

Ubwanditsi 17 May 2016

Leave a Reply Cancel reply

Your email address will not be published. Required fields are marked *

IZO TWAGUHITIYEMO

Facebook yaciwe miliyari $5 kubera amakuru y’abayikoresha yashyizwe hanze
IKORANABUHANGA

Facebook yaciwe miliyari $5 kubera amakuru y’abayikoresha yashyizwe hanze

Ubwanditsi 25 Jul 2019
Suwede: Haravugwa guteranira inama yo guhungabanya umutekano w’U Rwanda
INKURU NYAMUKURU

Suwede: Haravugwa guteranira inama yo guhungabanya umutekano w’U Rwanda

Ubwanditsi 08 Nov 2018
Harvard Institute : Perezida Kagame yagaragaje isura nshya y’u Rwanda mu myaka 15 ishize
POLITIKI

Harvard Institute : Perezida Kagame yagaragaje isura nshya y’u Rwanda mu myaka 15 ishize

Ubwanditsi 02 Mar 2016

AKA RUSHYASHYA

KWAMAMAZA

HIRYA NO HINO

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

Nyuma y’imyaka 23 akinira ikipe y’igihugu ya Portugal, Umunyabigwi Cristiano Ronaldo yayisezeye

05 Nov 2026
Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

Zabyaye amahari hagati ya Leta ya Congo na FC Barcelona: Amasezerano ya Miliyoni 43 z’Amayero ahagaritswe kubera komisiyo ya Miliyoni4.3 z’Amayero

28 Sep 2026
Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

Ibisa birasabirana, noneho Kayumba Nyamwasa yisunze Abanyamulenge baguzwe na Tshisekedi ngo bagambanire benewabo

23 Sep 2026
Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

Mu rwego rwo Guhirika Ubutegetsi, Ingabire Umuhoza Victoire ngo yari afite inshingano yo gushaka abantu bagera ku 5000 bagombaga kujya mu mihanda kwigaragambya, bagatera ingabo mu bitugu abagombaga guhirika ubutegetsi.

22 Sep 2026
Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

Ibyabapfu biribwa n’abapfumu; uburyo Thomas Nahimana akomeje kurya imitsi ibigarasha birangaye

14 Sep 2026
Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

Eugène Ntambara yakatiwe burundu n’ubutabera bw’u Buholandi kubera uruhare muri Jenoside yakorewe Abatutsi

31 Aug 2026
Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

Polisi y’u Rwanda Irakangurira Abanyatubari kongera gusubira ku muco wo gufunga bakurikije amasaha yagenwe

05 Aug 2026

KWAMAMAZA

Kandaho

KWAMAMAZA

KWAMAMAZA

KWAMAMAZA

Rushyashya
Rushyashya ni Ikinyamakuru cya Sosiyete Ebenezer Media Group ltd, cyatangiye gukora mu mwaka w'2000. Kugeza ubu dukorera ku imigabane yose y'isi.

CONTACTS


P.O Box: 4305 Kigali-Rwanda
Emails: info@rushyashya.net , rushyashyanewsofficial@gmail.com

- Abo Turibo
- Twandikire
- Kwamamaza

Iyandikishe ujye ubona Amakuru

DUKURIKIRE

© Copyright 2019, All Rights Reserved
Rushyashya - Amakuru