Umupolisi w’u Burundi wafatiwe mu Rwanda yashyikirijwe igihugu cye

Mu gitondo cyo kuri uyu wa Mbere tariki 16 Mata 2018, nibwo Polisi y’u Burundi yashyikirijwe umupolisi wabo ACP Irakoze Théogène, uherutse gufatirwa mu Rwanda agahita atabwa muri yombi bivugwa ko yari yinjiye mu gihugu bu buryo bunyuranyije ‘amategeko

ACP Irakoze Théogène yafatiwe mu Rwanda, ku mugoroba wo kuwa Gatanu tariki 13 Mata 2018.aho bivugwa ko yari yabikoreshejwe n’ubisinzi nk’uko yabyemereye inzego z’umutekano z’impande zombi.

Muri iki gitondo nibwo abashinzwe umutekano ku mpande zombi bahererekanyinjwe uyu mupolisi w’u Burundi wari warafatiwe mu Rwanda nk’uko byatangajwe n’ubuyobozi bw’akarere ka Rusizi mu Ntara y’Uburengerazuba 

ACP Irakoze yafashwe ubwo yari yinjiye mu Rwanda anyuze ahitwa Mabayi mu Ntara ya Cibitoke iri mu Majyaruguru y’Uburengerazuba bw’u Burundi ndetse ikaba ihana imbibi n’u Rwanda kuri Rusizi mu Burengerazuba bw’u Rwanda.

Ubwo twatunganyaga iyi nkuru twagerageje kuvugana n’uyobozi bw’akarere ka Rusizi, ku murongo wa Telefone umuyobozi w’aka karere ntiyabasha kutwitaba ariko atwoherereza ubutumwa bugufi atubwira ko ari mu bikorwa byo kwibuka aza kutuvugisha bisojwe. 

Nguwo ACP Irakoze Théogène wafatiwe mu Rwanda, ubu yashyikirijwe igihugu cye cy’u Burundi 

Nguwo ACP Irakoze Théogène bamuherekeje bamujyanye iwabo mu Burundi avanywe mu Rwanda