Umuhanzi Victor Rukotana yasohoye amashusho y’indirimbo ye nshya yise ‘Kideyo’, yakomoye ku nkuru mpamo y’inshuti ye wabenzwe n’inkumi yo mu cyaro agerageza inzira zitandukanye ngo amwigarurire birangira abenzwe.
Mu kiganiro Victor Rukotana yagiranye na RUSHYASHYA NEWS, uyu muhanzi yavuze ko iyo ndirimbo yakoze yavuye ku nkuru mpamo y’ibyabaye ku nshuti ye, yagize ati “Mu ncamake indirimbo iragaruka ku rukundo rwo mucyaro ariko muri rusange ubutumwa ni ubw’urukundo”.
“Ni inkuru mpamo y’umusore wakunze umukobwa akanagerageza kumusaba urukundo umukobwa akamwangira umusore akigira inama yo gukoresha akazina ke kagatazirano njyewe nise (KIDEYO) ariko uwo mukobwa ntako yarazi umuhungu aza kumubwirako uwo musore witwa Kideyo arembye cyane ari muri koma kubera urukundo, aho uwo musore ari kwa muganga bamubaza aho aribwa akivugira izina rya wa mukobwa nise (SIPERANSIYA).
Akomeza avugako uyu mukobwa ageraho agashaka uwo musore warwaye kubera we, ati “Umukobwa aza kugeraho abura wamusore wazaga kumubwira iby’umusore urwaye, kuko yewe yari yagize nimpuhwe ngo ajye kumutabara niko guhura n’umusore wari uzi agatazirano kawa musore nise (KIDEYO) amujyana iwabo atungurwa no gusanga nubundi wamusore ari wa wundi wamusabye ko bakundana.”
“Mbese inkuru niho njyewe nayishoreje ariko umuntu wayimbwiye yantangarije ko ari inkuru ndende, gusa we yakomeje no kugerageza gukoresha ubundi bwenge ariko ngo byakomeje kwanga umukobwa ntiyamukunda”.
Victor Rukotana kuri ubu arabarizwa muri Edman Entertainment inzu ifasha abahanzi batandukanye aha muri iyi nzu ikaba kandi irimo undi muhanzikazi witwa Mugisha Liza ubarizwa muri Canada.
Reba hano Amashusho y’indirimbo “KIDEYO”:
