Rutahizamu w’ikipe y’igihugu ndetse akaba na Kapiteni wa Suede ndetse kuri ubu akaba akinira ikipe ya AC Milan yo mu gihugu cy’Ubutaliyani yongereye amasezerano y’umwaka umwe akinira iyi kipe yo mu mujyi wa Milan.
Ibyo kongera amasezerano y’uyu rutahizamu muri AC Milan bije nyuma yaho uyu mugabo akomeje kwitwara neza mu mikino akomeje gukinira iyi kipe arimo ku ncuro ye ya Kabiri kuko yayigezemo mu mwaka wa 2019, uyu rutahizamu kandi ku ncuro ye ya mbere yanakiniye iyi kipe mu mwaka wa 2010 ubwo yayijemo nk’intizanyo avuye muri Barcelona yo muri Esipanye.
Zlatan Ibrahimovic w’imyaka 39 y’amavuko yongerewe amasezerano y’umwaka umwe bitewe nuko muri uyu mwaka w’imikino wa 2020-2021 amaze kwitwara neza aho kugeza ubu amaze gukinira iyi kipe imikino 25 akaba yarayitsindiye ibitego 17 mu marushanwa yose amaze kwitabira ari kumwe n’ikipe ye AC Milan.
Aya masezerano y’umwaka umwe yongereye muri San Siro azarangira mu mpeshyi z’umwaka wa 2022, ni ukuvuga ko azasoza aya masezerano ye amaze kugwiza imyaka 40 y’amavuko aha akazaba yujuje imyaka 22 akina umupira w’amaguru nk’umunyamwuga kuko yatangiye gukina mu mwaka wa 1999 ubwo yatangiriraga mu ikipe ya Malmö FF y’iwabo muri Suede.
