Abanyamakuru bakorera ibitangazamakuru bitandukanye byo mu Rwanda batangiye itorero i Nkumba mu Karere ka Burera
Ejo ku wa Gatatu saa yine za mu gitondo nibwo imodoka zitwaye aba banyamakuru zahagurutse I Kigali zerekeza i Nkumba.
Aba banyakuru bagiye gutozwa ni icyiciro cya Kabiri cy’itorero ry’abanyamakuru nyuma yaho bagenzi babo bo mu bitangazamakuru bitandukanye, bakoreye nabo itorero I Nkumba guhera tariki 3 Ukuboza 2015 bakahamara iminsi irindwi batozwa indangagaciro na kirazira by’umuco nyarwanda.
Ubuyobozi bwa komisiyo y’itorero ry’igihugu buvuga ko intego y’iri torero ry’abanyamakuru ari ugutoza abanyamakuru bo mu Rwanda indangagaciro z’ubunyarwanda ndetse no gukunda igihugu kimwe n’abandi banyarwanda.
Aba banyamakuru bagera ku 150 bagiye kumara icyumweru batorezwa muri iki kigo.
Ubwanditsi
